الأسئلة والاستفسارات عن كلية طب الأسنان ..

[Dя.βℓυε ₥αя[G]яiττα]

السلام عليكم ~~

سؤال من يوم التسكين .. وأنآ أفكر فيه ..

الطب البشري بكل فروعه وبرامجه كآن قبوله بنسبه مرتفعه نسبيا ..


لكن شفنآ إن طب الأسنان نسبته منخفضه جدا أكثر حتى من الهندسة ..
عكس البنآت .. كآن أعلى تخصص بالقبول !

إيش السبب .. صرآحة قرأت موضوع خوفني عن تكدس خريجين طب الأسنان بجدة وبديت أغير تفكيري بعد ما إقتنعت بطب الأسنان وبدأت أتحمس للتخصص ..



هل من مبرر !!

[almr7r7]

وعليكم السلام ورحمة الله وبركاته

حياك الله

لكن شفنآ إن طب الأسنان نسبته منخفضه جدا أكثر حتى من الهندسة .. عكس البنآت .. كآن أعلى تخصص بالقبول ! إيش السبب

طيب . في البداية أنا أبغى أوضح عدة نقاط أتمنى أنها تكون واضحة

أولا : في المجتمع بصفة عامة هناكـ لبس في موضوع تخصص طب الأسنان .......

يعني المجتمع ماهو فاهم اللي بيدرس أسنان بيدرس أيش وفي نفس الوقت اللي ينظر لعدد السنين

اللي هي مساوية لعدد السنوات البشري بيقول أصير طبيب بتاع كلوا ولا أصير بس أسنان

الموضوع يبغالوا تفصيل وأسهاب بس الخلاصة

طب الأسنان البنت الكبرى لكلية الطب يعني لا تقارن بين خريج أسنان متخصص وخريج كلية الطب طبيب عام (محتاج سنوات دراسة على أن يصبح متخصص )

للمعلومية طالب الأسنان يشتغل في العيادة من سنة رابعة أما البشري لين يتخرج وهو زيه زي اللي في المدرج يتفرج


بالنسبة للبنات وقبولهم أعلى في أسباب من أهمها الأريحية في العمل (عدم وجود مناوبات داخل طب الأسنان بعد التخرج تعطي أفضلية للأسنان على البشري) وأيضا جو العمل بشكل عام يعتبر أفضل للمرأة


بالنسبة للشق الثاني

صرآحة قرأت موضوع خوفني عن تكدس خريجين طب الأسنان بجدة وبديت أغير تفكيري بعد ما إقتنعت بطب الأسنان وبدأت أتحمس للتخصص ..

تكدس <<<<<لو في حجم خط 1000 كان حطيته


أسأل الله الهداية لمن نقل لك هذي المعلومة

يا عزيزي في دراسة قامت بها وزارة الصحة عام 2006 وخرجت بالتالي


يوجد طبيب أسنان واحد لكل 4724نسمة يمثل مؤشر خدمة متدنياً مقارنة بالمعدل القائم في العديد من دول العالم

خذ هذي الثانية بتعجبك أكثر

تعرف في أي عام نصل لمرحل الأكتفاء من الأطباء السعوديين ؟؟





































2035


يعني أذا أحيانا الله أنا وياك ولدي وولدك ننصحهم يخشون أسنان




أتمنى أكون أفدتك

وأعذرني على الأطالة


تحياتي

[Glamor Mada]

والله بصراحه انا كمان اتفاجئت لما شفت ادنى نسبة للأسنان هذي السنة كانت 79 تقريبا .. مره قليل
ماعرف ايش السبب يعني معقوله الاولاد لهالدرجه صارو ما يبغو طب اسنان O_o

بالنسبة عن تكدس خريجين طب الاسنان فا انا شايف انه اذا كان تخصصنا فيه تكدس فما بالك بكل التخصصات الثانيه؟ .. ويا اخويا ايش الداعي للخوف من الموضوع هذا ومن كلام الناس ؟ ياما مرو عليا ناس وعادو عليا نفس السيرة هذي " مليان دكاترة اسنان ومافي وظايف وووو " بس ما غيرت طريقي لاني مرتاح له ..والوظايف ارزاق من عند رب العالمين .. بس انت لازم تكون متفائل وواثق بنفسك بعد ثقتك بربك لانها هي سبب طمأنينة نفسك ..
هاجر زوجة سيدنا ابراهيم .. تركها ابراهيم في وادي بلا زرع وبلا ماء قالتله هاجر :يا ابراهيم لمن تتركنا ؟؟
فلما عرفت انه هذا امر من الله تعالى قالت بعزة الواثق بالله اذا لا يضيعنا .. ففجر الله لها ماء زمزم .. ما جزعت وهربت لكن كانت واثقه بربها
لا تغير قرارك وطريقك بعد ما ارتحت له بسبب شي في علم الغيب .. لو العالم حولك كانو منزلين رووسهم خوف من كلام الناس ! انت خليك واثق بربك شامخ وهامتك في السما

جد واجتهد وادعي ربك .. وما حيضيع لك تعب ( ان الله لا يضيع اجر من احسن عملا )

انا اسف على كلامي الكثير.. بس فكر فيها وراجع نفسك وبلاش تغير قرارك عشان خوفك

[واثق الخطا]

الإكتفاء يصير في 2035 في حالة ثبات عددالسكان يعني ما حيصير اكتفاء ابدا ما دامت الجامعات بالعدد الحالي ولو حصل وافتتحت جامععات جديدة فحيكون الهدف منها تغطية الزيادة في عدد السكان يعني الإكتفاء غير وارد حاليا في المجال الصحي كاملا ....

:)

[Dя.βℓυε ₥αя[G]яiττα]

للمعلومية طالب الأسنان يشتغل في العيادة من سنة رابعة أما البشري لين يتخرج وهو زيه زي اللي في المدرج يتفرج

يآعنصري ههههههههههه

يوجد طبيب أسنان واحد لكل 4724نسمة يمثل مؤشر خدمة متدنياً مقارنة بالمعدل القائم في العديد من دول العالم خذ هذي الثانية بتعجبك أكثر تعرف في أي عام نصل لمرحل الأكتفاء من الأطباء السعوديين ؟؟ 2035 يعني أذا أحيانا الله أنا وياك ولدي وولدك ننصحهم يخشون أسنان

ههههههههههههههههههههههه أعجبتني ننصحهم دي ههههههههه ربي ييسر لك ي حبيبنآ وربي يطرح فيك البركة ي ولدي :d

[Dя.βℓυε ₥αя[G]яiττα]

Glamor Mada
على عيني ورآسي ي دكتور <3

الإكتفاء يصير في 2035 في حالة ثبات عددالسكان يعني ما حيصير اكتفاء ابدا ما دامت الجامعات بالعدد الحالي ولو حصل وافتتحت جامععات جديدة فحيكون الهدف منها تغطية الزيادة في عدد السكان يعني الإكتفاء غير وارد حاليا في المجال الصحي كاملا ....

هوووآ دا <3





شكرا لكم كلكم <3

[مَـزٍآج ..}..]

صدقني راح تسمع الكلآم دآ كثيررر . .

وكلام احبآط غيره من نآس تقدر تقول حآسسده . . يقلك الطب دحيـن مافيه وظآئف وضيآع عمر

على اسنان ومدري ايششش . . وراح تكتشف في الاخير لو تجيهم ربع فرصه في الاسنان والله يجري وراها

وفي النهايه انا عندي مسأله الوظيفيه ارزاق من الله تعالى مهما كان التخصص . .

ويمكن انت فهمت الكلآم غلط . . يعني ممكن واحد يبغى مستشفى معينـه وفيها اكتفآء

وهوا قال ما ابغى اشتغل الا في دي المستشفى ويقعد عااطل . .

لازم بعض الأحيان تتنازل عن اشيآء في حيآتك عشان توصل للي تبغاهـ ..

ومجرد نصيحه مني اذا مو مقتنع بالتخصص . . تقدر تحوول بالراحه

لا تضيع عمرك في شئ ما تحبه او مو مقتنع فييـه .. بالتوفييييييييييق

[Dя.βℓυε ₥αя[G]яiττα]

أبدااا .. أنا الآن مقتنع جدا فيه :d

لكن خوفني موضوع الوظآئف !!

عموما أشكرك بعنف :d

[كاتمـ الاحساسـ]

مسألة انك ما تلاقي وظيفة بعد التخرج .. انسى .. انا متأكد انه في عجز في عدد اطباء الاسنان ..

خاصة السعوديين .. وزي ماقالوا الاخوان ماراح يصير اكفتاء الى في عام 2035 .. وعدد السكان في ازدياد ..

عموما اذا انت خايف للدرجة هذه تذكر انك تقدر تقتح عياده خاصة فيك .. ويصير باب الرزق مضمون لك ..