جاوبني بصراحة (( هل تخاف من العين )) قول ماشاء الله / جديد إحساس ناجح / للحوار الجاد

[RHF]

هلااااو

مممممممم شوف انا الصراحة ، ما ابا اقول اني موسوسة ،

لمن اشوف شي ، تلاقيني لازم اقول ما شاء الله ، اخاف انسا اقول ما شاء الله و يسير شي يقولو من عيونها هههههههه

وطبعن لمن اكون قاعدة مع احد لازم اقول ما شاء الله ، عشان الطرف التاني يقول زيي ما شاء الله ، وازا ما قال خلاص يكفي اني قولتها ،

وكمان لمن ما يقولو ، تلاقيني اقول في نفسي الله اكبر على كل عين حاسدة

دا غير اني طول الوقت زي المجانين الحمدولله الحمدولله الحمدولله ، ولو سارلي شي اقول انا ما حمدت الله < مالو علاقة بالعين بس يعني انا اقول انو اللي ما يحمد ربنا عالنعمة ربنا ياخدها منو


ممممممم اما موضوع العين و الحسد ،

شوف انا اشياء كتير ما اقولها للناس ،

والله اني ما ابالغ ، انا تقريبن يوميااا لازم اخرج ،،

لاكن لمن اجي اقول ، ترا انا اليوم رايحة المكان الفلاني ، لازم الخرجة حقتي تخرب ، مو لو قولت لاحد معين حتى لو قولت لاي احد ،

فتلاقيني ما اقول اني باسوي كدا ، ما اقول لاحد اني باسوي اي شي ، وكل حاجة عالسكاتي

حتى اني من كتر ما انا مقتنعة بالشي دا ، لو مسلن ابا اخرب حاجة او افركشها ، على طول اقولها للناس ، وتتفركش ، ما ابا اقول من عيونهم ، بس لمن تقول الشي لناس كتير يخرب على طول

//

اما موضوع العين و الحسد و السحر كمان ،،

دي انا اهلي ، عايشين حياتهم وهم مسحورين محسوديين وفينا عيييييييين و مدري ايش

كل ما سارت مشكلة ، قالو عيييييييييييين سحرررررررررر

مافي شي اسمو اخد بالاسباب ، استغفر الله بس

انا اكره البلاها دي ، انا مؤمنة تمامن بالعين و الحسد و السحر ، لاكن الناس خلوها شماعة ، كل مصيبة قالو دا السبب ،

معليه دا يعتبر من الجهل ، لمن كل حاجة وكل مصايبهم يرموها على العين والسحر و الحسد :)

//

اتقبل مروري اخوية احساس