الي حضروا اليوم في مادة ie 200 .. يدخل

[شظايا الوادي]

يا اخوان الي حضروا اليوم في الانجليزي ..

كان في حصة تعارف .. ايش صار فيها .. ايش قالولكم ؟

ايش نظام الماده ؟ كيف طريقة النجاح ؟ وماذا عن البحث ؟
واحد يقلي بالتفصيل ايش حصل ؟...

[شظايا الوادي]

up

up

[rival soul]

ليش ماتروح بكرا تشوف بنفسك خخخخ امزح المهم انا ماراح اجاوب الاسئلة بس بقولك اللي فهمتو وصار

المهم اولا مافي ولا حرف في المادة بالعربي لا شرح ولا حتى كلام دكتور وحتى انت لازم تتكلم انجلش بس

والسبت كان تعريف ام اليوم اعطونا قصص نقراها ونحل عليها تمارين والدكتور يقولنا احنا كويسين في القراءة اولا يصير تروح تشتري من جرير قصص صغيرة ابو 20 صفحة او 40 عشان تقوي من قراءتك

بالنسبة للدراسة مافي تحديد مستوى بس مني عارف لدحين هل نبدأ البحث طوالي او لا بس كلام كذا طالب انو راح نبدأ البحث على طول واعطونا ورقة بخصوص دراسة البحث وراح يكون الكورس مدة 14 اسبوع اول اسبوعين دراسة فقط وبعدها كل اسبوع فيه اختبار في ب5 درجات وفيه ب 10 وفي فاينال ناسي بكم كلو موجود في الورقة يعني الغياب مرررا ماينفع عشان تكون مع الدكتور اول بأول وبالنسبة للبحث طبعا خطوات راح نبدأ نسويها خطوة خطوة وتوريها للدكتور ونتناقش معاه في كل خطوة عشان يشوف نكمل صح او غلط يصير تصحح ويقولك ليش حطيت كدا وليش سويت كدا يعني لازم تكون فاهم مو اي كلام وفي اختبار اورال برزنتيشن برضو

وبالنسبة للدكاترة حيكونو اتنين واحد يشرح والتاني هوا اللي يحط الدرجات ويقيمك وتوريه اعمالك وتناقشو في كل شي والدكتور في يده 5 درجات مشاركة وكدا يعني تغيب او ماتشارك تطير الخمسة ومن ناحية الحرمان ماتكلم بس طبعا ماتقدر تغيب في المادة دي ولا قول على نفسك راسب لانو كل محاضرة تحتاجها ودا اللي فاكرو وإن شاء الله ماكون غلط في شي هههههه لانو كلامو بالانجليزي كلو ودا اللي فهمتو وفي اشياء تانية مافهمتها خخخخ بس كانت عن انك تذاكر اول بأول وتطور نفسك بالقراءة والكتابة وكدا نصايح يعني وجونا دكتورين واحد شكلو هندي والتاني تركي وروح اسأل بنفسك بكرا احضر قالو في محاضرة نفس اليوم قصص بس راح يجي لك شعبة دكتورها لانو احنا اليوم عشان العدد كامل كلو كان 7 فقط فجمعونا فغرفة وحدة وجابو دكتور وحدة من الشعب وانا مني عارف ليش العالم ساااااااحبة دوبنا بادئين المفروض في حماااااس وبالتوفيق للكل

[شظايا الوادي]

اوكيه فهمت ايش حصل اليوم بس بالنسبه لنظام الدراسه ما فهمت ؟
يعني فيه بحث على طول والدرجات على البحث .. لن كلامك على تقسيم الدرجات نفس نظام البحث العام فشكلها بحث ؟ ولا ايش رايك .. لو عندك الورقه ممكن تكتب توزيعها لا هنت

[rival soul]

والله انا ماعرف هل حنبدأ بحث على طول او في دراسة انجليزي اول لكن كلام الطلاب يقولو انو راح نبدأ بحث على طول واساسا لما تجي تفكر الورقة اللي اعطونا هيا حقت البحث وكدا مدتها14 اسبوع يعني تيرم كامل فاعتقد صح راح نبدأ البحث على طول وبالنسبة للورقة اشوف احاول اصورها ونزلك هيا هنا لانو صعب اكتبلك الكلام جدا كتير

[شظايا الوادي]

^^^^^^

انتظرك ويعطيك العافيه ما قصرت

[اسامـــه]

المشاركة الأصلية كتبت بواسطة rival soul لوبعدها كل اسبوع فيه اختبار في ب5 درجات وفيه ب 10 وفي فاينال ناسي بكم كلو

لاااااااا تآمن بالله الترم الثاني نهايته سوا التيفوتي جلسة انا وكم واحد يبغانا نقيم المادة ونذكر سلبياتها والمهم اعطيته اقتراح انه عشان الطلاب يدرسوا الكتاب سوي اختبارات قصيرة على كل جزئية طلع سواها من جد جنيت على الاجيال اللي بعدي خخخخخخخخ

[rival soul]

^^^ هههههههههههههههههههههههههههههههه ياخي كان قلتلو احذفها خخخخخخ صراحة جدا قوي تجي تقولها عادي هههههه والصور ماهي راضية تنزل مدري ليش ماتترفع فيه مشكلة المهم بكرا خدها من القسم اوكي بالتوفيق