قولو لي ايش اسوي

[reemo2009]

السلام كيفكم صبايا وشباب
قولو لي ايش اسوي احس زهقت من كثر ماذاكر والله احس ابدا مارتحنا من خلصنا الدوري الثاني للحين وخاصة اعادة الاحصاء هلكتني بقوة والله احس بقمة الارهاق ومابي افوت اليوم ابي اذاكر انصحوووووووني طلبتكم........

[أمـــــــــــــــل]

والله ياريم هذا كان احساسي في بدااية الدراسة كل ماافتح كتاب تنسد نفسي وأروح أناااااااااام ولا أذاكر زي العالم والناس ..
وطبعا ايش النهاية لقيت نفسي على الحاااااافة ..

احنا حنتعب بس في النهاية ايش بنلاقي ؟؟ شي يسعدنا ويفرح اهلنا وينسينا كل تعبنا ..

وأسوأ شي في الحيااة لما ترسبي وانت كنتِ طول 12 سنة من الأوائل ومتفوقة .. وتجي على أول سنة تشيلي مادة ؟؟ من جد صدمة ..

عشان كذا لاتخلي الاحبااط يملا قلبك وعقلك ..

بالعكس قولي أنا بنجح وأنا بجيب درجات عالية ..

وتعرفي انا ايش بسوي ؟؟

بنسى كل درجاااااتي اللي فاتت وبركز على الاختبار النهائي بذاكر بذاكر لين أحس اني فاهمة..

حتى لو حسيتي بطفش وضيقة لاتخافي سيبي الكتاب روحي اقرأي جرايد العبي اجلسي على النت حق نص ساعة او ساعة وارجعي بعد كذا ..

يعني لاتجلسي على الكتاب فترة طوويلة أكيد راح تزهقي ..

وأقول لك على طريقة قال لي هيّ أخويا هو ماشاء الله دحين خلص الطب وقاعد يشتغل في كندا

يقول لي وأنا كبير خامسة طب كنت أروح عند أمي وأشتكي لها أقول لها ماني قادر أذاكر يقول وتجلس أمي تهديني وتقول لي كيف أذاكر وتجلس معايا شوية ..

يقول كمان لما كنت أزهق كنت أرمي الكتاب وأروح أنام ..

يعني أهم شي لاتتعبي نفسك في المذاكرة ..

سوي اللي عليك واللي تقدري عليه وتوكلي على الله واللي ربنا كاتبه بيصير ..

ودرجات الدنيا ماهي مهمة قد درجات الآخرة :)

وانصحك اليوم تذاكري شوية من الأحياء عشان وقت الاختبار تكوني خففتي شوية عليك ..

والله يوفقنا كلنا ياااااااارب ..

[][صمت البوح][]

والله الحال من بعضه

لكن صعبة نفوت اليوم

عشان كذا حاولي تبدأين بمواد الانجلش اللي تشوفينها سهله عليك

انا ببدأ بالـREADING اليوم وان شاء الله الـ writing
واخلي الـgrammer لبكره لان يحتاج له روقان وتركيز
واليوم ابد مالي خلق
والـeap الجمعة مع شوية مراجعة لبقية المواد
اما الـspeaking للآن ما قررت متى احطه

[reemo2009]

مشكوووووووووووووووورة اختي امل يالغالية.....والله انك شجعتيني الله لايحرمني منك خيتو
من جد عطيتيني دافع اكبر من الي عندي..لانو بصراحة الغربة صعبة ولها تاثير..بس هم لها ايجابيات ان انا كل ما اذكر ان انا بغربة اتشجع ع المذاكرة عشان اذا رجعت افرح اهلي..بس لازم الواحد تجيه نوبات وربنا يعين

[reemo2009]

تسلميــــــــــــــــــــــــــن اختي صمت البوح الله يوفقك ويوفقنا جميعا فعلا صعب نفوت اليوم

[شيري]

ايوه صح اعملي زي ما بيقولوا ذاكري شويه وبعدين انقلعي نامي.ولا تفكري في احد بس نامي.