ياليت تساعدوني حايس في الحذف والإضافة

[dam3]

السلام عليكم ورحمة الله وبركاته

اخواني انا في حوسه مايعلم فيها إلا الله في موضوع الحذف والإضافة ... ناس تقول لي اغير في الجدول وناس تقول مناسب

والمصيبه ان مبادىءالمحاسبة 2 و مالية شركات مع بعض وكثير يقولون لا تاخذها مع بعض

الخلاصة رجاء يا اخوان اللي يقدر يفيدني يفيدني هذا الجدول والخطه بين يدكم وياليت تساعدوني في الحذف والإضافة





وهاذي الخطه وانا علمت على المواد اللي انتهيت منها




انتظركم بارك الله فيكم

[aziz8008]

بالعكس ماليه شركات ومحاسبه 2 لازم تاخذهم مع بعض لان فيه كم فصل مكرره بين المادتين

وايضا تاخذ ادارة موارد بشريه وتخطيط وتنميه موارد بشريه مع بعض


واقترح عليك التالي :


مبادئ محاسبه 2

ماليه شركات ( متطلب لماده الاستثمار ولازم تخلصها بدري )

ادارة المواد البشريه 231 ( متطلب لكثير من المواد في المستوى السادس والسابع والثامن )


تخطيط وتنميه موارد بشريه 335


ويصير باقي لك مادتين تختار منهم مايناسبك من المواد التاليه عشان تكمل 6 مواد ويكون عندك 18 ساعه


نظم معلومات ادارية

ادارة العمليات

اقتصاد كلي


ثقافه اسلاميه 4

[d7om_1]

ادارة الموارد البشرية و تخطيط وتنمية الموارد البشرية خذها مع بعض لأنها تتكلم عن نفس المواضيع يعني تقدر تقول بأنك تذاكر مره وحده
وبالنسبه لمالية شركات ومحاسبه2 لازم تذاكرها بدري ولا تستهين فيها وراح تتجاوزها بأذن الله إذا أعطيتها حقها
موفق أخوي

[dam3]

اخوي عزيز وابومشعل

الله يعطيكم العافية واللي فهمته من كلامكم مايحتاج اعدل في الجدول كثير بس اضيف إدارة الموارد البشرية وألغي مادة ثانية

[d7om_1]

صحيح
لكن فيه شي محيرني بصراحه
الحين بجدولك مادة التطوير التنظيمي وإعادة التنظيم؟؟ لكن اللي أعرفة أنها متطلبها إدارة الموارد البشرية
يعني ما تأخذ هالماده إلا إذا خلصت ادارة الموارد البشرية
؟؟؟؟؟؟؟

[الدريبي1]

شكلك ماخذ إدارة موارد بشرية من قبل .؟!

عموماً

المحاسبه 2 + مالية شركات
مثل ما قالوا الشباب اخذها مره وحده لأن فيها بعض الفصول والقوانين تكون متشابه ..

بالنسبة لإدارة العمليات
انا اشوف انك تأجلها للترم القادم حتى تخفف من عبء المواد الحسابيه لأن فيها نظري وفيها حسابي
وإذا انت تحب الماده الحسابيه كثير فتوكل على الله واضغط نفسك من الآن ..

بالنسبة للمواد الثانيه

تخطيط الموارد البشريه
سهله بإذن الله

نظم معلومات إدارية
انا لم يسبق لي أن اختبرها ولكن على حد قول بعض الطلبه انها معقده ودسمه واختبارها غثيث ..(كيف التحطيم؟ ^_^)

التطوير التنظيمي وإعادة التنظيم
مادة ممتازه وسهل وعليك بملخص الدكتوره دمنهوري .. ملخص ملون وممتاز وشافي وكافي لك المادة وبتاخذ بإذن الله a+

حصيلة ما سبق اقترح وبعون الله انا الدريبي 1 عضو في منتديات جامعة الملك عبد العزيز (سكاو) امرنا بما هو آت:

اقترح ان يكون الجدول كالتالي :

المحاسبة 2
مالية شركات
تخطيط موارد بشرية
التطوير التنظيمي وإعادة االتنظيم
إدارة المشاريع الصغير بدلاً من إدارة العمليات
نظم معلومات إدارية واقترح ان تضع بدلاً منها مادة إختيارية (مثل مبادئ السياسة)..
(((وإذا ما اخذت مادة إدارة الموارد البشرية خــذها بدلاً من مادة نظم معلومات إدارية ))

وهذا والله اعلم ويبلغ امرنا للجهات المختصه بذلك .. وشكراً

.
.

أخوك
الدريبي 1

[dam3]

حياكم الله
صادق اخي مشعل وكذلك اخي الدريبي تم الانتهاء من مادة إدارة الموارد البشرية واسف نسيت ان احددها

والان على كلام الاخ الدريبي بيض الله وجهك و وجيه الاخوان

راح يكون الجدول كالتالي
مالية شركات
محاسبة2
تخطيط الموارد البشرية
التطوير التنظيمي وإعادة التنظيم
ادارة المشاريع الصغيرة
مبادئ السياسة

ولكن ياليت احد يفيدني برمز مبادئ السياسة حتى اضيفها للجدول

كل الشكر لكم ولك اخي الدريبي وقراراتك الصادرة من فخامتكم

بس انتظر منكم رمز مبادئ السياسة

ورائيكم في الجدول النهائي

[d7om_1]

المشاركة الأصلية كتبت بواسطة d7om_1 صحيح لكن فيه شي محيرني بصراحه الحين بجدولك مادة التطوير التنظيمي وإعادة التنظيم؟؟ لكن اللي أعرفة أنها متطلبها إدارة الموارد البشرية يعني ما تأخذ هالماده إلا إذا خلصت ادارة الموارد البشرية ؟؟؟؟؟؟؟

كنت متوقع أنك أخذت إدارة الموارد البشرية لكن حيرتني تقول بتحذف مادة وبتضيفها
عموماً هذا رمز المادة اللي تبيها
مبادئ العلوم السياسية ps 101
موفق