ابغا ارقام شقق مفروشة جنب الجامعه

[ام لقمر]

المشاركة الأصلية كتبت بواسطة mr_anwar في شقق جنب الجامعة كويسة بس اغلبها رافعة اسعارها باعتبار ان فترة الاختبارات موسم دائم لهم انا انصحك بامانة تبحثي عن شقق بحي الحمراء منطقة كلها شقق وعلى البحر وشققها راقية وسعرها غير مبالغ فية وثمانية دقايق بالضبط تكوني بالجامعة لانة شارع سريع مافي اشارات اتمنى لك التوفيق

المشاركة الأصلية كتبت بواسطة سعد الاحمري يالغالي بالنسبة للجدول صح مانزل بس فيه بديل البديل هذا يكون التقويم الخاصة بالجامعة يحددون فيه متى يكون موعد الاختبارات بدون تحديد مواد . بعدين روح شارع حراء صح بعيد شوي بس أرخص و الله تروح تستأجر بالقرب من الجامعة تحصل هوايل و أسعار غاليه و خدمة زقت لا كمان تحصل جميع أنواع الجدوال على مدخل و كونتر الشقق و ارقام اتصال معلمين بالهبل . روح شارع حراء ناس هاديه و أسكان مريحة و لا تقول و الله بعيد فأنت جاي من أخر الدنيا قبل موعد الاختبار تحرك للجامعة بساعة أو حسب ما تشوف انت الفرق و شارع حراء أنت و الله أرخص من الدهاليز التي بجوار الجامعة

مشكورين بس ممكن سؤال
ايهم اقرب وانظف حي الحمراء او شارع حراء؟

[mr_anwar]

المشاركة الأصلية كتبت بواسطة ام لقمر مشكورين بس ممكن سؤال

المشاركة الأصلية كتبت بواسطة ام لقمر ايهم اقرب وانظف حي الحمراء او شارع حراء؟

اختي طبعا حي الحمراء افضل للطالبات

شارع حراء هو اول شارع من جهة المطار ويعتبر بعيد عن الجامعة المشوار يحتاج ساعة في وقت الزحمة بس هو مناسب للتسوق وللتمشية لانة قريب من ابحر ومن اكبر المجمعات يعني يناسب الطالب اللي جايب معاه عائلتة ويبغى يستفيد من الوقت بالتمشية والتسوق

ونفس الكلام لشارع صاري موازي لحراء

حي الحمراء عبارة عن حي كامل اغلبة شقق مفروشة وفنادق وكلها مرتبة وراقية وتطل على البحر جدا هادية مافيها ازعاج وفي مطاعم راقية وكوفي شوب كثير جنبها وتناسب الطالبة والطالب واسعارهم حول بعض

مع تمنياتي لكم بالتوفيق واي سؤال انا حاضر