هنا :) تجمع طالبات قاعة بحث عزيزة لنجاوي

[sara_2009]

صياغة مفاهيم الدراسة


المفاهيم :كلمات فيالبحث تحتاج للتعريف بس شرط انها ماتكون معروفة مثل المدارس المساجد

تعرف المفاهيم تعريفان

1) تعريف علمي ( وهذا تاخذينه زي ماهومن الكتاب او النت وتحطينه فبحثك فقط )

2) تعريف اجرائي ( توضحين مامقصودكمن المشكلة مثلا التاخر الدراسي انا اقصد فيه الرسوب
وممكن انت تسوين بحثك على نفس مشكلتي اللي هي التأخر الدراسي بس تقصدين منه التأخر عن المحاضرات ..


اكيد يابنات بعضكم مو فاهم المحددات والابعاد ! بسيطة ...

المفهوم ( التأخر الدراسي )

يهمني مثلا اعرف اسباب ( الرسوب المتكرر ... عدم الحضور المبكر ... صعوبات الفهم ) وهذي اسمها ابعاد

يعني ابعادي في دراستي فبحثي وهي الابعاد للمفهوم الاجرائي متغير تابع يعني هي ناتجة عن

العوامل الاجتماعية اللي من اول احنا اتفقنا انها (متغيرات مستقلة )

ومتغيرات المستقلة اللي وضعتها لمشكلتي هي ( الطلاق ... الفقر ... المواصلات )



الخلاصة

المحددات اسباب المشكلة من وجهة نظري وهي متغير مستقل

الابعاد هي اللي ابغى ادرسة بتفصيل في المشكلة وهي متغير تابع يعني ناتج عن المتغير المستقل العوامل الاجتماعية