كيف تشحنو طاقتكم من جديد ؟؟:)

[M!SS Lara]

المشاركة الأصلية كتبت بواسطة يَآربْ.غفرآنكْ منجد بنات .. و رب البيت أحتاج لدا الشي مالي خلق لا أدرس و لآ افك ولا كتاب ... صرت أصدع من الكتب الخبلة دي ورقها بيجيب العمآ ..>>>. كفانا الله واياكم لسى ما فتحت ولا مادة .. بالرغم اني قلت لنفسي انو حبدآ من اليوم مذاكرة .. وللكني اتكاسلت كتير يآرب سهل سهلْ ..

وعشان كده انا فتحت ده المووضوع ...
عارفه انو في مننا الي تعب شوي ..
ادخلو الموضوع ده دايم لما تحسو بتكاسل :)

المشاركة الأصلية كتبت بواسطة dr.ro0ody انا برضوا اوقات زيكم مررة مالي نفس ازاكر بس أصلي ركعتين اقرأ صفحتين من القران الكريم اشرب كوب نسكافيه اتزكر كمان درجاتي في الاختبارات الحمدالله عاليه اتزكر ماما وبابا يموتوا عشان ادخل صيدله وقتها خلاااااص اشد العزيمه وازاكر بنفس وحماس

جزاكي الله خير طريقه حلوه
منجد لما نبدأ اي عمل بتقرب إلى الله حيكون في بركه وتوفيق منه
ان شاء الله حأستعمل طريقتك اكيد
وشكرا لك:)

المشاركة الأصلية كتبت بواسطة amjad bahusayn السلام عليكم ورحمة الله وبركاته ,, اول شي النوووم مرة مهم ,, عشان نكون مصحصحين ,, تاني شي ,, اكل شي خفيف عشان ما نحس بخمول ,, تالت شي لازم نطلع من المكان اللي احنا ننام فيه ,, اي مكان تاني ,, نمسك المادة اللي بتكون في وسط الاسبوع تمام؟؟ ,, بعدين نمسك كل الشابترز اللي ما اختبرنا فيها ,, اوك؟؟ .. وشي مررة مهم انه لما نذاكر ما نقعد نقلب في الصفحات نشوف كم باقي ,, نرسل رسائل ايجابية .. نكافئ نفسنا باي شي نحبه ,, نخلص لازم ناخد راحة ,, عشان اذا كان ورا بعض .. راح يكون فيه ضغط وراح نوصل مرة تانية للحال اللي احنا فيه دحين ,, وبين الشابترز راحة ما تزيد عن نص ساعة ,,ونحاول انه ننتظم ونمشي على الوقت ,, نمسك الباقي من المادة .. الين السبت ,,حتى اذا ما خلصنا نتركها بكدا ماراح نفرط في المادة اللي بعدها ,, بعدين نمسك المادة اللي بتكون اخر الاسبوع ,, نمسكها الين الثلاثاااء ونخلصها بنفس الطريقة بعدين مادة السبت ,, وبالنسبه للانجليش في ايام الاختبارات كل يوم وحدتين ,, لانه في ايام الاختبارات بيكون مراجعة لانه احنا مذاكرين ,, وترى الانجليزي والله سههل مررة ,, لاتعقدوها ,, الله يوفقنا لما يحبه ويرضاه ,, وحاجة مهمممة جدا ,, نكتب في ورقة .. او في الجوال .. او اي مكان يكون قدامنا اغلب الوقت .. الاسم الرباعي .. ووو الكلية اللي نبغااها ,, وو التخصص ,, وو تحتها عبارة ايجابية ,, جربتها والله كل ما تشوف/ي انه الاسم وتحته الكلية يعطيك داااافع ,, وزي ما قالو الاخوات ,, نفكر انه التخصصات اللي نبغاها ما يجي بسهولة .. وباذن الله مأجورين على طلب العلم ,, اسال الله ان ينور دروبنا ويشرح صدورنا ويوفقنا ويرضى علينا ,,

الله يجزاكي خير ..
أنا داايم اطالع كم صفحه بقيت لي
نو كومنت

المشاركة الأصلية كتبت بواسطة سملّق :) والله يا أختي أنا أستعمل بطارية ( 12 فولت ) .. أشحن طاقتي فيها اذا ( خلصت البطارية ) ! في بعض الاعضاء ،متطورين يستعملوا الشاحن الكهرباء ماشاء الله تبارك الله .. اللهم لاحسـد .. ههههههه أما انا باقي نظامي قديم مره ع البطارية :( ............ على فكرة : نصح ب بطاريـة ( فالكون ) فهي تدوم طويلاً ههههههههههه وبالتوفيق ..

الله يدخلك هندسه ..
آمين

المشاركة الأصلية كتبت بواسطة حلاوة ليمون http://m.youtube.com/index?desktop_u...?v=q9mcsr8-yyo لارا هده احلى طريقة لشحن الطاقة :) شووفي هده حاربت الخوف والكسل في الطب ونحنا كيف يا طلاب التحضيري ما ذقنا اللي ذاقوه مساكين تحياتي :)

دخلت لقيت عده فديوهات ..
بلييز أبغآ اشووفه :)

المشاركة الأصلية كتبت بواسطة عاشقة التحدي والله انا مرررة نفسيتي زفت ما اني عارفة اذاكر شي =( وخاايفة اني انضغط مررة في الاختبارات بس ما فيه شي يشحذ همتي حتى ما سار فيني افكر بالحلم اللي ابغا اوصلو ياااارب سهللل سهللل

لا حبيبتي لازم تدرسي..
افتكري أحلاااامك ياعشاقه التحدي :)
الله يوفقنا :)

المشاركة الأصلية كتبت بواسطة fto0o كل ماااحس بطفش وخلاص نفسيتي قافله بزات من الرياضيات الزفت !! افتكر انو خلاص يوم الخميس حق الانجلش قرب وحطلع من الاختبار دا مودعة الترم بكبرو والاختبارات افكر بالصرخة الي ح اصرخها عند باب المبنى لمن اطلع انو خلصنا الترم اخييييييرن .. فـ ابا صرختي تكون صرخة فرح وحماس مو صرخة احباط وتعب ^^ وافكر بالتلاتة اسابيع حقت الاجازة الي حرفع رجلي فيها فوق المكتب واجلس بس كدا طفشانة لين ماالطفش يطفش مني نكادة في الكتب والتعب .. افكر بالاماكن الي ابا اصيع فيها في التلاتة اسابيع افكر بالفرح والحماس الي ح احسو خلال التلاتة اسابيع والفكه من الفيزيا والرياضيات للأبد اعملها تحدي انو مو الرياضيات الي يكون عائق قدام مستقبلي ولا ابلتو الي مفهية ولا دارية وين ربي حاططها وتظن !!!!! انو اجاباتها صح لاحظو ابلة رياضيات تقلنا "اظن" الـ eاس مالانهاية تساوي الصفر !!!!!!! الحمدلله بس x'd الحياة حلوة .. فـ بس افكر بالشيئين دولا حالين ولمن ماتنفعني افكر بالتحدي اني اشوف تخصصي وقت التسكين قابع تحت اسمي ^^ يااااااااااااارب توفقنااااا ياااااااارب وتحقق امانينا وماتجعل السنة دي الا محطة مرور لاهدافنا وطموحاتنا ^^ بالتوفيق لكم كلكم وشدو حيلكم اسبوعين وح نرفع رجولنا مريحيييييييين :d هع x'p

منجد حتى اانا

اقول يالله هدي كلها اسبوعين كلها تعب ، وبعدها اجازه 3 اسابيع وحأنبسط فيها ..
وفي مثل يقول في معناه انو لو بذلنا كل جهدنا في شئ ، حنتفاجأ في مقدار الانجاز

المشاركة الأصلية كتبت بواسطة .:. Memo .:. انا ملاحظة انو اغلبكم متحطمين من الدرجات يمكن عشان ككدا مكسلين ! انا كنت متحطمة مررا كمان بس بعدين فكرت .. في النهايا مارح يسير الا اللي ربنا كاتبو حتى لو انا ابا طب ولا طب اسنان ولا صيدله ودرجاتي مو حلوه في النهايا ماتدرو ايش يسير .. يمكن مو في عزوزز يمكن في مكان تاني ويمكن اصلن القسم دا مو خير ليا ربنا دائما يختارلنا الخير انتو سوو اللي عليكم وزاكروو والباقي على ربنا اتوكلو عليه ومافي شي صعب - او مستحيل =)

جزاكي الله خير كلامك 100%

المشاركة الأصلية كتبت بواسطة ولد حنون واااااااااااااااو أصعب لحظة يوم تفتح الاوديس تنظر وش تخصصك ؟ أصعب لحظة يبغالها شخص مؤمن بقضاء الله و قدره لأن الله أدرى و أعرف يا رب تخصصنا في شيء نقدر نبدع فيه وننفع أمتنا

منجد حتكون لحظة قويييية
بس اش بالله حيكون شعورنا لحظة مانشوف اننا بالتخصص الي كنا نتمناه ؟؟

منجد شعور رهيب ,,,




وأخيرا ..

لازم تدرسو ياجماعه لانو اختبارنا حيكون في كل المنهج ولازم نخفف علينا المنهج لنضمن درجات وكده ..

فالندرس ونصبر
ولن تبلغ المجد حتى تلعق الصبر