بخصوص التطبيق العملي لدبلوم التربوي ..

[anoona]

السلام عليكم ورحمة الله وبركاتة ,,

اخباركم صبايا ,, احابة اسال بنات الدبلوم العام اللي طبقو العام اللي راح

كيف كان النظام التطبيق وكم مدتة وكم يوم نزلتو فيه للمدارس ..\\

ارجو منكم التعاون معي ,,

[ABDUALLAH]

بلييييييييز ردو عليها محتاجيييين الاجابه

[R&R&R]

وعليكم السلام ورحمة الله وبركاتة ..
السنة اللي راحت كان التطبيق دوام كامل فالمدرسة يعني 5 أيام بالأسبوع .
لكن الترم ذا قالولي انو النظام تغير وصار يومين بس فالأسبوع والباقي فالجامعة أظن . بس بسألك إنت فرع السليمانية ..؟ وايش تخصصك .. لإني معتذرة عن التدريب السمستر اللي راح والترم الجاي راح اطبق .

[مولي 2007]

ابشري ما طلبتي

شوفي ياقلبي التدريب كان عباره عن اربع اسابيع يعني شهر والدوام كله بالمدرسه من بدايه الاسبوع لنهايته
بالمدرسه كان النظام كالتالي
تجين الصبح من الساعه 7 على دوام المدرسه وتوقعين ويكون لكم سجل خاص توقعون فيه وكل تخصص ورقه خاصه فيهم توقعين دخولك وتوقعين وقت الخروج وتلتزمين بحصص الاحتياط وكل شيئ )~ نظام دكتاتوري

مثلا حنا طالبات الرياضيات كنا خمسه 2 مسكو منهج ثاني متوسط و3 منهج اول متوسط يعني اخذنا حصص المعلمات وحلينا محلهم وهم يداومون يسولفون وبس

صراحه اول اسبوع يمكن تتضايقين لانه وضع مو متعوده عليه وشيئ جديد عليك بالنسبه للي اول مره يجربوه بس صدقيني مع مرور الاسابيع راح تستمتعين واذا كنتي محضره نفسك كويس ماراح تواجهين اي صعوبه وكانت المشرفه تجينا بالاسبوع مرتين مثلا احد وثلاثاء عاد هذا تتفقون معها عليه وما تبدا تقيمك الا بالاسبوع الثاني وممكن تدخل لك معلمه المادة اول اسبوع على حسب مزاجها لانها مو مسؤوله تقيمك الا اذا مشرفتك كانت مشغوله فتعطيها الصلاحيه عاد هنا تميلحي عندها وخلك تمام خخخخ

وخلاص تعيشين حياة المعلمة مدة شهر وصدقيني لما تحبين الوضع وتتعودين تكتشفين انه خلص الشهر

واي استفسار حنا حاضرين

[anoona]

ربي يسعدكم ..

الله يعطيكم العافية ..

[دلال الحربي]

.

مشكورين الله يسعدكم ~

[حلاووووي]

الله يعينا ع التطبيييق

[R&R&R]

بنات ممكن خدمة حابة اسال هل نزلت اسماء المدارس اللي راح نطبق فيها وهل اعتمدوها ولا لسا نقدر نغير

[العقربة]

لاتشيلين هم .. اهم شي تكون المعلمة متفاهمة معك (المعلمة الي تشرف عليك )

وراح تمشي انا التدريب هو الي رفع معدلي ولله الحمد