بالنسبة للتسكين بالتخصصات الهندسية

[اللحظة الاخيرة]

السلام عليكم ورحمه الله وبركاته

اخباركم ..,,

حبيت اسال الرغبات الي بتنزل بالترم الثاني

التسكين يكون الترم الاول السنه الجايه

طيب يكون على حسب معدل الترم الثاني والي قبله

او الصيفي كمان ينحسب

الرجاء من الي بيجاوب يحدد مصدره يعني مصدر موثوق

سال واحد من الموظفين بالهندسة او جاوب جواب بديهي ..

بالتوفيق للجميع

[sultanooh]

يتم تخصيصك اول ماتغلق 50 ساعة

يعني في حال اكمالك 50 ساعة على طول تذهب اليهم لكي يخصصونك حتى لو ماكان فيه ايقونة في الاودس

[zelme]

يا حبيبي الموظف موفق في الشؤون التعليمية اظنك عارفه

قلي انو الاترام الصيفية ما تدخلك التخصص

يعني مثلا لو خلصت 49 ساعة في الترمين وبعدين قلت ابا اكمل الساعة هذي في الصيفي
احلم انك تتخصص الترم اللي بعده

يعني لازم تخلص 50 ساعة ومادة ie200 في الترمين هذي

وزي ما فقلتلك هذا الكلام اخذتو من المهندس موفق في الشؤون التعليمية

[sultanooh]

^^^

طيب بعض الشباب ماقدروا يكملوا ie200 في الترم الثاني واخذوا ic وكملوها بالصيف وتخصصوا بعد الصيف

شو رايك فيهم ؟

[rival soul]

^^ النظام القديم اعتقد عشان كدا

[John_silver]

سلام

والله يا زميل ترا هم كل فترة يغيروا النظام على حسب ما يواكب العصر

وكلام الأخ عن المهندس/ موفق هوا الأحدث.

بس برضه أتوقع فيها تمشية وغض طرف.

[sA@Am]

هدي من مصادر موثوقة ( شباب عملو كدا ومشي حالهم عادي )
مع احترامي لموفق لكن كلامه مجرد هرج
يعني لازم تاخد ie200 عشان تتخصص( كلام فاضي) والصيفي ما يخصصك( كلام فاضي)
انا اعرف كتير ما اخدو المادة دي وفي الي اخد فيها f ومع هدا اتخصصوا معانا زينا زيهم
المهم انك تخلص 50 ساعة الترم التاني تخصص واذا لا سمح الله ما خلصت عدد الساعات المطلوبة
خدها من مجربون ( يعني كتير زبطت معاهم الصيف الي فات ومشيو) خلص الصيفي وروح لوكيل الكلية يخصصك

ياشباب لا تقلقو نفسكم على التخصص راح تخصصو ترم تاني واذا مانفع بعد الصيفي غير كدا الترم الاول الكلام دا من مجروبون ( يعني كتير زبطت معاهم الصيف الي فات ومشيو) ولا تسالو موفق دايما يحبط ولا يقول كلام فاضي

[rival soul]

حكاية انو موفق يحبط والله صاااااااادق^^ ياخي كنت بحذف مادتين بعد الحج وقال لا مافي قلت ظروف وكدا قالي ماينفع قلتلو حتى لو رحت الوكيل قالي حتى لو رحت العميد خلاص مافي السستم قفل المهم طنشته ورحت الوكيل سمع مني ظروفي وقالي اكتب خطاب وارسلك هوا وانحذفت المواد ايش رايكم؟؟ هو موفق بس عشان يمنع الطلاب ولا كان لقيت جيش عند العميد بس برضو يساعد في اشياء ههههه

[zelme]

كلام sa@am غير صحيح معليش

تدري ليش؟ انا الترم هذا درس معاي في الشعبة 3 شباب رسبو في المادة والى الان ما تخصصو حتى وسالتهم بنفسي
وقدمو الترم هذا على تخصصاتهم وان شاء الله حيتخصصوا الترم الجاي

وانا معاك انو في شباب تخصصوا بدون هذي المادة بل وبعضهم رسبوا فيها
لكن ايش السبب انو هذولي تخصصوا وهذولي لا ما تدري ليييش

فليش تخلو نفسكم في حرج ياخي اللي ما قدر ياخذ المادة هذي الترم هذا ياخذها الترم الجاي ويريح نفسه
واذا تبغا تاجل مواد اجل غيرها في الصيف حتى لا تجي وتنصدم في الاخير انك ما اتخصصت

وبالتوفيق