من امن العقوبة اسآء الأدب

[Life as Game]

شي طبيعي تطلع التصرفات من جمهور الهلال ..
مو لأنهم بزورة ..ولا لأنهم همج بس لأنهم ما قد انظلمو من الحكم ,,
يعني شي طبيعي لما تشوف انسان دايما واقف معاك ..وفجأة يكون سبب في خسارة الصدارة ..
تخيلو بس الصدارة ,,
والاندية التانية تتحرم من بطولات كاملة بسبب التحكيم واولهم الاتي ومع كدا جمهورنا محترم ..
حتى لو صار شتم من الجمهور للحكم دا بسبب القهر المتراكم طوال السنين ..

والسبب الرئيسي في همجية جمهور الهلال و تصرفات البزارين هو ان الاتحاد السعودي معاهم بالكامل ..

طبعا سبب ان الاتحاد السعودي معاهم هما امراء الاندية اللي عقولهم عقول بزورة..
الدوري السعودي وجميع المنافسات الكروية السعودية صايرة شوربة ..ادا الامير ما فاز فريقو قام احتال وشافلو اي طريقة تخرب الفريق المنافس .

ادخلو مقاطع اليوتيوب وشوفو امراء الاندية في المقابلات كيف فشلونا ويبغوا يوصلو للعالمية ,

نادي الاتحاد ما استلم كاس بطولة كانت قدام الاهلي مايقارب 10 سنوات ..الا لما مات اميرهم ماني فاكر اسمو وجاء البلوي طلب الكاس ,,

بالله كيف نرتقي كجمهور ادا كان رؤوس الاندية همج..؟
واحد راعي بعارين واحد شاعر واحد مدري ايش وعبالو البطولات تجيبها الفلوس ؟؟
ما يفهمو في التعاقدات ولاهم يحزنون بس اصرف فلوس على الاجانب وارشي حكام وحتوصل عالمية ..هههه قابلني