انتهى أول ترم فتعـآلوآ نتشـآرك ماكـآن فيه ..}||~

[SoSoooo B]

امل بكرة
شكرا حبيبي ع نصايحك لا والله بالعكس لازم تقولي لي عشان اطلع كل اللي في راسي :p
ان شاء الله راح استغل الاجازة استغلاااااال :p
شكرا ياقمر مرة تانية <3

[حنو123]

المشاركة الأصلية كتبت بواسطة hamsa }~ - بوجه عام كيف كان الترم ؟ ( مضغوط ،، سهل مريح << مآأظن أحد بيقول كدآ ) .. مضغوط بقوة كنت أهرب من المذاكرة حتى في الاختبارات النهائية - أسهل مـآدة بدآ الترم ؟ ( نستبعد الثقافة لأنه أكيد سهلة ) البرمجة - أصعب مادة ؟ الحوسبة كلها حفظ جننتي دي المادة وسببتلي قلق الى ان شفت الدرجة وارتحت كان ناقص هذا السؤال . أغبى مادة؟ الاساليب كرهتها لانها نقصت معدلي عشان درجة وحدة بس - موقف (سوآء ظريف / حزين ) حصلك خلال الترم ؟ كل انواع الواقف مرينا فيها انا وصحباتي العزيزات - حسيتـ/ـي بالفشل خلال الترم تجـآه أي مـآدة ؟ لاب البرمجة وخاصة ثاني اختبار حسيت اني مو فاهمة شيء في البرمجة وبكيت لاول مرة في الجامعة لكن الحمد لله اخذنا الفل في الاب - أستآذ/ة تشكريهـآ ؟ استاذة بدور باوزير استاذة لاب البرمجة استاذة فريدة اخلاقها قمة - حبيتـ/ــي التخصص ولا كرهته / كرهتيه ؟ لا حبيته ولا كرهته حبيت البرمجة بس - اش نـآويـ /ـة بإذن الله تتخصصـ/ـي ؟ محتارة بقوة بين it وcs // انتهى التحقيق وأقفل المحضر ع .... خخخخخخخخخ وأخيرآ .. الحمدلله ع كل شيئ .. وان شـآء الله كلنـآ نفرح بتخصصآتتنـآ ونتوفق فيهـآ والله يكتب لنـآ الخير وين مـآكان .. دمتم بحفظ الله جميعـآ ..

مشكورة هموسة على الموضوع الجميل

[ೋ ĴỮṦṰ ŜḾĨŁE]

- بوجه عام كيف كان الترم ؟ ( مضغوط ،، سهل مريح << مآأظن أحد بيقول كدآ ) ..

اول ترم مر عليا بدا الشكل ...مو من صعوبه المواد قد ما كان من سوء تنظيم لو انهم اعطونا مواعيد المناقشات مواعيد تسليم الريبورت الاختبارات الدوريه اللي لما اخر اسبوع .....فكان "مضغووط"

- أسهل مـآدة بدآ الترم ؟ ( نستبعد الثقافة لأنه أكيد سهلة )

البرمجه =)

- أصعب مادة ؟

بصراحه كل ماده وكان لها جزء من الصعوبة ..
البرمجه :: هبااالات الاب بس الحمد لله اخدنا درجات عاليه فيه و كمان الضيااع بين الكتب
الحوسبه :: الاجزاء الاخيره كانت بصراحه تحتاج هارديسك حجموو بالتيرا بايت ينشبك في ادمغتنا
و ما حسيت ابداً انها فكره لما نتحاسب بالمللي و على الكلام كان الوضع ممكن يكون افضل لو اخدو بالمعنى و الفهم .
الاساليب :: بصراحه دي الماده ما كنت حابتها في البدايه لكن احترمت اسلوب الاستاذه ...الشئ الصعب فيها القروووووووبات بصراحه كان قروبنا 6 سرنا 3 غير انو وحده الله يسامحها بس عطلتنا كتير بمشاكلها و حركاتها .
الاحصاء :: دي الماده حسستني انو انا طالبه اتساب افهم نفسي و اشرح لنفسي و كل شئ بنفسي غير انو مرررررة ملخبطه و اوراق ما تعرفي من فين تطلع .

- موقف (سوآء ظريف / حزين ) حصلك خلال الترم ؟

مواقف سيئة ::
- حصلت لي حلتين وفاه في الويك اند وحده قبل اسبوع الاختبارات و وحده بعدو .
- الاستاذه رفضت تأجلي اختبار الدوري التاني الاحصاء فإضطريت انو اخرج من العمليه جراحيه في المستشفى و ادخل الاختبار .
مواقف حلووة ::
اكتر شئ حلوو حصلي اني تعرفت على بنات من الجد لو اكتب ايش مافي كلمة توفي حقهم ...
_موقف يضحك نعوومه الشريرة جات على اساس انها تبغا تطمنا و ما تبغانا نخاف و عملت في حركه .....
_ بصراحه كانت في مواقف كتير حلووة و يارب كل السمسترز الجايه تكون احسن و احسن .

- حسيتـ/ـي بالفشل خلال الترم تجـآه أي مـآدة ؟

في الاحصاء ...

- أستآذ/ة تشكريهـآ ؟

أ.سمر بابروك ...بصراحه استاذه استحملت شكاوينا و رجتنا و كانت فعلا تخاف علينا و لما رحنا كلمنها انو نحنا خايفين من درجات الدوري الاول و عن المشاكل اللي فيه حاولت انها تكثف جهدها و انها تعطينا واجبات اكتر افكار اكتر ... بصراحه مرااااا تعبت معانا حتى في الصحيح ..
أ. ساره السيد ... بصراحه استاذه احترمت اسلوبها و كانت تتفهمنا لما نكلمها و دائما مسجاتها ايجابيه و تطمنا
أ.بدور باوزير ....دي الاستاذه جننتها و تحملتني كتير و بصراحه على قد ما كنت خايفه من الاب على قد ما كانت الدرجه حلووة و فيها بونس كمان .

- حبيتـ/ــي التخصص ولا كرهته / كرهتيه ؟

مع كل لحظه كرهتو كل ما زاد اصراري اني اكمل ... دا المجال اللي كنت بحلم فيه من قبل ما اتعلم اقرا او اكتب ..لكن لابد من شويه لحظاااات احباااط ..لكن حبي للمجال و يقيني بإمكانيتوو خلتني اكمل و ان شاء الله نكمل لأخر نفس

- اش نـآويـ /ـة بإذن الله تتخصصـ/ـي ؟

كنت اعشق الشبكات و ابغا it عشان الشبكات لكن سارات مناقشات اسريه اقنعتني بإمكانيات الــis
و حسيت قد ايش هوا مهم وامكانيتو فوق ما كنت اتخيل ...و الحمد لله انا is



شكرا هموستنا ...~