مَــآ على الدنيـــآ »عتـــب« ڪْل ما فيهآ آمـــاني ..~

[No-Comment]

. مع موسيقى هادئه والضوْ خافِت

الدفاتر رحّبت ...والقاف حيّا .

. والمشاعر مع سِما فكري تصافت

وأمطرت مزن القصايد في يديّا .

. والمحاني بغيبة حروفك تهافت

لو بخونك بالقوافيْ الشعر عيّا .

. في غيابك صرت لك مليون (عافِت)

و(الملوّح) .. و(السديري) .. و(المحيّا) .

. كم سنينٍ من رصيد العمر طافت

وأنت أطيب أمنياتي ولا إتّهيّا ! .

. شف طعونك في ضلوعي ماتعافَت

وشف زماني شْلون زاد النار كيّا .

. والجروح اللي بقلبي ما تشافت

والخفوق اللي إشتهر بك مات حيّا .

. والعيون من الحزن وش كثر شافت

من ليالٍ تركز الأوجاع فيّا .

. والهقاوي من ليال البعد خافت

ليت قلبي للمفارق .. بس تهيّا ! .

. كان ماعيني لْ / باقي البيض عافَت

دام ما تملك شعور ولا حميّا !! .