ابغا احذف مادة, هل استطيع حذفها الأن ؟

[MIS10]

السلام عليكم


ياشباب انا عندي مادة قانون تجاري ونفسي احذفها الأن .. هل استطيع ؟

واذا حذفتها, هل تأثر على اي شيء؟ ولو حتى ابسط الأشياء؟

ولا تكون كأني حذفتها عادي زي اي مادة من بداية الترم ؟


لأني بصراحة انا منزل المادة عند دكتور حقير واتورطت معاه ... (شعبة 8 الى 9 سبت اثنين اربعاء)

اللي صار انه الدكتور صار يوزع ورقة التحضير عالطلاب .. وفي طلاب حضروا اصحابهم..

وحقد الدكتور .. ونزل عقوبة على كــــــل شعبتنا, بما فيهم اللي ماسوا شيء غلط, مع اللي سوو شيء غلط..مع ان عنده اسامي الطلاب اللي محضرين بعضهم.. ولكن مازال راسه يابس وحلف انه ماراح يتساهل لا بالأسئلة ولا بالدرجات وحتى بالاختبارات راح تكون الأسئلة من اول الكتاب ..الى اخر شيء .. وهذا شامل لكل الطلاب

وانا بالنسبة لي الحمدالله ماسويت شيء غلط, ولكن الدكتور راسه ناشف وقاعد يتهمني معاهم !!
لذلك ماراح اتحمل اخطاء غيري واجيب درجة زي الزفت بهاذي المادة .. لذلك راح احذفها هذا الترم من عند هذا الدكتور المعقد نفسياً..

وشكراً ..

[ҳҲҳŔỜŔỜҳҲҳ]

اهلين اخوي

بالنسبة لموضوع حذف الماده فتقدر تحذفها بس مدري انتو زينا او لاا

بالنسبة لنا حنا البنات الحذف فقططط مفتوح ولبعد الدوري الاول يقفل بفترة بسيطه

[_OCTOBER]

اللي اعرفه انه الحذف مفتوح لحد الاختبار الدوري الاول .
بس هل لمن يحذفوها لك عايدي , او يعطوك منسحب فمادري .
روح بكرا واسئل الشؤون , ولو اني متأكد انه مافيها شئ

---
انا برأيي انك لاتحذف المادة عشان الدكتور نفخ عليكم , اغلبهم بس تهديد ع الفاضي ..
الترم دا هوا الوحيد اللي المادة فيه بالعربي عشان مافي دكاترة, ابتدا من الترم الجاي راح تقلب انجليزي
انا حذفتها وندمت .

[Akws Medo]

انا كمان ابغى احذف التحليل الكمي لأنو عندي محاسبه متوسطه و تمويل ما ينفع التحليل الكمي معاهم
كويس اني اقدر احذفها مشكووور اللي ردو :)

[battota]

^^
ايوه احذف التحليل احسلك

الحين انتو تاخدوا قانون بالعربي طيب بالنسبه للبناااااااااااااااااااات يدرسوها بالعربي ولا انجلش ؟

لانو انا م اخدتها راح اخدها الترم الجاي ان شا ءالله وابغا اعرف

ثانكس

[لؤلؤة*]

لا بالانجلش بناخذها يابطوطه

[battota]

اهاااااااااااااااا اوووك

[cute.memo]

الين الاسبوع اللي فات كان في حذف

والحذف ماراح يأثر بشئ كأنك حذفت المادة من بداية الترم

بس مااعرف متى راح يقفل

[MIS10]

انا برأيي انك لاتحذف المادة عشان الدكتور نفخ عليكم , اغلبهم بس تهديد ع الفاضي ..

والله ما اظن ياخوي ..

الترم اللي فات بالماركتينق في ابو 10 طلاب غشوا بالأختبار .. قام رسب 40% من الدفعة ! ..

لذلك ما ودي اكل العلقة مره ثانية ..

وخصوصاً ان هالدكتور لسه يدوووب عصب على شيء تافه زي كذا .. اجل كيف لو شاف غش الاختبار + مع كلام الطلاب بالكلاس + مع الحضور المتأخر ..الخ

والله نو كمنت ..

لين يوم الأثنين .. بستخير وبشوف

واعطوني انتم رأيكم .. وخصوصاً اللي معايا بالشعبة

وشكرا
ً