تعبت الظلم واجحافه , ع قوله محمد عبده!!

[medo al-sherimi]

شكرا لكم جميعا لتفاعلكم ..^^ وصراحه انا احييكم لانكم ابديتم ارائكم بكل صراحه ووضوح وبالتالي تعم الاستفاده ع جميع الطلاب والطالبات ..!

بالنسبه ليه انا مادخلت محاضره بالمستر هذا كله الا والدكتور جلس يتكلم عن استياءه من ضعف اللغه الانجليزيه عند الطلاب , دكتور السلوك التنظيمي تكلم عن الموضوع وقال انه اغلب الطلاب مايفهمونني بسبب انهم ضعيفين بالانجليزيه مولان الماده صعبه ,.ونفس الكلام قاله الدكاتره الاخرين , حتى بالسمستر الماضي دكتور التسويق والنظم والاداره كلهم قالو ان الطلاب مستواهم ضعيف باللغه ...وكان فكره دكتور النظم ودكتور السلوك وحده , واجمعوا ان الجامعه لازم تحط معهد مدته سنه لتعلم اللغه قبل ان تقوم بتسكين الطلاب داخل كليه الاراده ,,,لان احنا مشكلتنا مو بعقولنا اوبقوه تركيزنا المشكله كلها باللغه وهذه ترى اكبر مشكله ممكن تكون للطالب لانها هي الاداه التعليميه ,يعني مثل الطالب اللي داخل اختبار ومامعاه قلم ,بالله كيف يقدر يحل حتى لوكان فاهم الماده صح ..!
وانا احمل كليتنا المسؤوليه ,لان انتو لو رحتو شفتو معهد الاداره ,كيف تعليمهم وربي تنجنووو كلكم ,وطلاب معهد الاداره كلهم اقوياء باللغه ,مو لان هم راحو اجتهدو , عشان المعهد فرض عليهم تعليم اللغه اولا واخيرا قبل التخصيص , واي طالب عندهم مايقدر يعدي السنه الاولى اللي هي سنه تعليم اللغه يطردوه من المعهد , وبالتالي الطالب مضطر انه يجتهد , خاصه انه تعليمهم للغه احسن من كتبنا الخمسه الانجليزيه ,فيها استماع والقاء وقراءه ومحادثه افري دي , واحنا ماغير الدكتور البريطاني جالس يتونس علينا ..!