كيف نتعامل مع الناس الوقحة

[rubi]

_+*+_ كيف نتعامل مع الاشخاص الوقحين _+*+_

الموضوع هذا فكرت كثير قبل أنزله ..
بس الي دفعني اني انزله وناقشه وياكم كثير والله ..
الشريحه هذي انا عانيت منها ..
استخدمت شتا الاسليب وياها ..
بس للأسف .............................!
فا شو رايكم نناقش الموضوع مع بعض ..
(النـــــــــــــــــــــاس اجنـــــــــــــــــــاس)
هذا المثل ينطبق على الاشخاص الي يمروا علينا بحياتنا ونصادفهم ونتعامل معهم
كل يوم نقابل اشخاص مختلفين في الطباع والصفات والاخلاق والقيم والتفكير
ممكن تصادف شخص وتتعامل معاه وتلاقيه في قمة الادب والاحترام والاخلاق العاليه..وتكون سعيد بانك قابلته
وفي ناس تقابلهم يكونوا وقحين ما يعرفوا معنى الاخلاق ولا الاحترام وتتعامل معاك بطريقه سيئه
وقح بمعنى....انه يكون قليل الاحترام في تعامله وفي كلامه وتصرفاته
وقتها بيكون شعورك سيئ جدا لانك اضطريت انك تتعامل وتتعاون مع شخص زي هذا وتتمنى انك تبعد عنه وتوقف التعامل معاه
هذولي اشخاص يكونوا غالبا اصحاب شخصيات مستبده...و لئيمه
عباره عن خليط عجيب من قلة الاحترام والغرور واللئم
يحب يقلل ويحبط في عمل غيره...يحب يتسلط ويتحكم ويثبت انه ارفع شان واكثر ذكاء



اذا في يوم احتكيت بهم او تعاملت معهم..تنقهر من الاسلوب والمعامله...تشعر بانه يقلل من قيمتك..وما في احد منا يرضى على نفسه او على اي شخص عزيز عليه او من اهله او اصدقائه انه يتعامل بهذا الاسلوب
كيف اذا مر عليكم شخص مثل هذا واضطريتوا انكم تتعاملوا معاه....
كيف اذا حاول في مره انه يتعامل معاكم بطريقه سيئه..ايش بتكون ردة الفعل....!
بتسكت....لانه بعض الاحيان يكون السكوت ابلغ من الكلام..اقصد هنا السكوت الي يدل على عدم الاهتمام والاكتراث..وليس السكوت الي يكون بضعف
او انك بتاخذ حقك مثل ما يقولوا بالصوت وبنفس الطريقه الي اتبعها معاك الشخص الوقح
هل تقول في نفسك (العين بالعين والسن بالسن والبادي اظلم)
ام انك تحاول انك تتكلم معاه وتناقشه باسلوب راقي وبطريقتك انت المهذبه...وتبعد عن اسلوبه الوقح في الرد والاخذ
مع العلم انه بعض الوقحين اذا تعاملت معاه باسلوب مهذب وكلمته بالنقاش يعتبر انها الضوء الاخضر له ليكمل الوقاحه ..
وهذي كثير نشوفها ..
وانا خصوصاً اعــــــــــــــــــــــــــــــــــاني منها بشكل مو طبيعي ..
كيف ممكن انك تتعامل مع الاشخاص الوقحين والشخصيات المستبده بطريقه ذكيه....بحيث توقفه عند حده وتثبت له انك تقدر تسكته لكن باسلوبك انت
كلنا في النهاية بشر.....وكلنا مخلوقين من تراب......وفي الاخير بنرجع للتراب
والشخص منا لا يثبت شخصيته ولا وجوده في الدنيا الا بتعامله واخلاقه مع الناس
اذا كنا اشخاص مهذبين ذكرنا الناس بالخير......واذا كنا وقحين ذكرنا الناس بالسوء
ونحن شو نحب...!

مارايك!؟
كيف تتعامل مع ناس من دي النوعية

وانت مجبور تقابله يوميا بالكلاس او الشغل

[خلود 99]

طنشيهم حبيبتي ...ما ينفع معاهم الا هذا الاسلوب

[مجد العلم]

هذولا الناس الوقحين اذا اصطدمتي بهم او صادفتيهم
الاسلوب الاحسن معاهم هو انك تعتبري نفسك ما تسمعتيهم وتمشي وتكملي طريقك بس
وقاحتهم على نفسهم
والاساس التربيه في البيت اذا كانت مزبوطة ولا لا

[عموريAHLI]

التطنيش الأسلوب الأنسب للتعامل مع هذه الفئة :)

[اللهم اعطهم مايتمنونه لي]

شوفي اختي اذا شفتي وحده من هالنوع الامر بسيط جداً
شوتيها ورى ظهرك
وكأنه لم يكُن

شفتي كيف الشباب لما يلعبوا كوره ويعطوها كعب ههه
انتي سوي مثلهم اعطيها كعب ههههه


لاعدمناك :)

[solaaa]

اديها طنااااااااش أليييييم ولو سار موقف وهرجتي معاها خلي كلامك رسمي

الفئة دي ادا حست انو الناس ساروا بيتجنبوا الجلوس والكلام معاهم يمكن يتعدلوا

دا تصرفي مع الناس الي زي كدا ابا اشوف تجاربكم يمكن استفيد

مرسي روبي عالموضوع
^^

[توونآ]

انا كنت كلمه بـ كلمه معاهم
بس شفت الوضع مايخارج
وخصوصا اذا كانو من طلاب المتوسط >> امس متضاربه مع وحده متوسط
فـ قمت اطنشهم او ارد بطريقه ما انزل نفسي لمستواها
يعني مثلا لو قالت لي قدام الكل انتي غبيه اقولها اوكـ خليت الذكاء لك
وقيسي ع هذا

[Patricia]

في أشكال ماينفع ترخي الحبل معاهم ..

شوفي إذا هم موجودين بحياتك بشكل يومي ، في الجامعة أو العيلة ..
ف نصيحتي لك لاتسكتيلهم ، ووقفيهم عند حدهم ، لأنهم ببساطة شديدة يفسروا سكوتك ع اساس انه ضعف مو تربية وأخلاق لأنهم مايفقهوا شي في التربية .. وأنا دائما أقووول الواحد مو ملزوم يصبر ويصبر ويصبر على كل شي لأنه في بعض الأشياء بيدنا حلها، والله لو اعطيتيها كلمة ع راسها لا تحط لهاتها بحلقها .. وتبلع العافية ..

عاد انتي شغلي كييييد النسا واحرجيها في يوم وشوفي كيف تاخذ درس ل 10 سنين قدام ..

صح الواحد يسكت ويطنش بس للمواقف اللي تحصل مع أشخاص نادرا مانشوفهم ..
مووو وحدة كل يوم وجهي بوجها وشغالة قلة حيا معاي ..

بس انتي احرجيها بذووووووق يعني اعطيها كلمة في وجهها غير متوقعة تصدمها
زي مايقولوا أهل الرياض مزحة بردحة ..
و ح تدعيلي ..

[همة همة همة]

اتعب منهم ومن مجاراتهم
فأقلل الجلوس معهم
واحاول تجنبهم كثيرا
فقط السلام عليكم ورحمة الله وبركاته
كيف الحال
القلب للقلب ابيض

لاني لا احب ان اكثر اعدائي


قللي مخالطتهم ..وردي باللين ..وطنشي بعض زلاتهم ولا تاخذيها قصة فتؤثر على شخصيتك واسلوبك واخلاقك الطيبة
خالطي معالي النفوس
الكرام
اصحاب الكلمات الطيبة ..والابتسامات الصافية ..الي يخلونك عااااااااااااااااالية مثلهم ..حتى فقط لو نظرتي في وجوههم زاد طموحك وهمتك ..وتفاءلك


اتركيهم اليوم ترتفع اصواتهم وغدا تنخفض
اليوم يرجموك بسيء القوول وغدا يلحقوك باعذب الكلمات


اية في سور الاعراف منهج سيري عليه مع هؤلاء :"خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ}----- الأعراف: 199 ...


بالتوفيق غاليتي

[دافئ الإحساس]

موضوعك اول ما قريتو ضحكت ..


حقولك السبب ..


هادي الصفات اللي بتقوليها في شخص اعرفو شخصياً


والمشكله كلي يوم اقابله


لكن زيادة ع اصفات دي


انو حقآآآآآآآآآآآآآآآآآآآآآآآآآآر ..


يعني يحقر اللي قدامو بحيث يخليه هوا والارض سوآ




فآنا آسلوبي طبعاً الطناش.. ولمن يناديني اسوي اني ما اسمع


فاللي ضحكني من الموضوع


انو اليوم كان عندي معمل فالمهم المعمل مقسم لاقسام


فكلي مجموعة لها بقسمها .. او المكان الخاص بيها


فأنا وقفت في مكان المجموعه التانية لنو ما جا الاستاذ


فأبأستناه المهم


شافني مكان المجموعه التانية وقالي


اقول روح القسم التالت ترا مكانك مو هنا >>مع حركة الاصباع (بإستحقار)


دحين اللي يبا يطنش احد يسوي انو ما يسمعو او ما يحط عينو بعينو وكده صح ؟؟


انا اش اللي سويتو


قعدت مكاني وباطالع فيه وهوا شغال يهرج وكل اللي في المعمل انتبه


وبآطالع فيه نظره .. استهتاآآر اكتر شي


فجآة حس انو ملقوف وسار يطالعلي من بعيد لبعيد بنظره حقد

ويحسبني مني منتبهلو ..



...........

فآحب شخصياً اطق طق ع الشخصيات دي


لنو سهل نرفزتها ..

ولو صعب نرفزتها


فسهل احسس دي الشخصية انها ولا شي ولا تسوى شي

بالاستحقار والاستهتار وعدم اعطائها وجه


وشكراً