نظام الاوديس الجديد ..لخبطة..!!

[د.طالب جامعي]

السلام عليكم
ما كفى التغيير كل ترم في أماكن الإختبارات يجون يغيرون الأنظمة الالكترونية ويكملون الناقص....

الحين سددت الرسوم واخترت التخصص وهو تخصص موارد بشرية واتفاجأ وانصدم أن جدولي ما فية إلا مادتين فقط هي اساسيات المحاسبة الادارية واللغة العربيه 2 ...!!! علما اني في المستوى الخامس ولا توجد ولا مواد سابقة متعثر فيها...!!!هل المشكلة هذي طبيعيه على الجميع ولا حالة مرضية .. واذا هي حالة مرضية وش العلاج ..؟ وهل اقدر انزل الجدول الخاص بهذا الترم ؟

[د.طالب جامعي]

مافيه احد يتكرم ويعطي الجواب والتوجيه ...

[حسان السراقبي]

لازم تضيف بقية المواد بنفسك عزيزي

روح الحذف والإضافة وأضيف يالي تبيه

بالتوفيق إن شاء الله :)

[د.طالب جامعي]

شكرا استاذي حسان السراقبي ..
غريبة يعني كل الطلاب يضيفون مواد خطتهم بأنفسهم ..!! يعني بوفية مفتوح :)
لأن هالأوديس الجديد حاس الدنيا ... واكرر الله يعطيك العافية على الرد وإعطائك وجه لموضوعي
المرة الجاية بدخل بمعرف جديد (نسائي) عشان الردود تجي اسرع من الضوء :)

[ba7r el masha3r]

ey wallaaa mrrh l5b6h 7taa ana 7ayssa

[فهد جدة]

حتى انا نزلوا لي هالمادتين

يعني كل طلاب المستوى الخامس نزلوا لهم نفس المواد

والباقي انت تضيفها

واهم شيء ياغالي انك تروق وتهدي اعصابك

كل مشكلة لها حل

واعذر الطلاب والمشرفين من كثرة الاستفسارات والردود

موضوعك ينزل تحت وممكن يروح للصفحة الثانية

[Charming boy]

أخي الكريم أنا عندي نفس المشكلة بالضبط والمشكلة مو قادر أضيف أي مادة كل مرة يتطلعلي خطأ مع هالنظام العقيم !!

أما بالنسبة عدم الرد على موضوعك فأنا أوافقط 200% لو إن إسمك "نسائي" كان شفت الردود تنهال عليك من كل حدب وصوب وماتلحق تقراها :)

[منتسب 911]

السلام عليكم
يا اخوان
اذا نازلت مواد ولا ابي حذف واضافه خلاص يعتبر هذا جدولي ولا كيف الهرجه