~ جدول آلإختبآرآت آلنهآئية طآلبآت آلإنتساب كلية الاداب ~

[يحلمون...~]

المشاركة الأصلية كتبت بواسطة منتسب123 آفااااا ي بناات والله خوفتوني مو عاارفه شيء .. حتى الجدول مادري كيف محوله من انتظام الى انتساب + اول مره اتخصص قبل كنت تحضيري .. ب الله كيف الطريقه يعني بس اروح اشوف رقم الماده واسمها واعرف متى الاختبار ولا لازم اروح بعد اشوف وقت المحاضرات .. وش فرق يعني فيه ناس مادتهم مثل مادتي ويختبرون قبل علشان الشعب غير ولا كيف .؟؟ اتمنى تفيدووني الله يخليككمممم ..

سلامة قلبك من الفجعه

انا بعد زيك الترم اللي راح يوم شفت الحوسه والطلاسم حقتهم في النهاية بعد ما انفجرت وتحولت مياه متسربه <<< ما عليه دخلت جو وشطحة حبتين

وشسمه استعنت بصديق وفهمتني الزبده ..

شوفي يا طويلة العمر

الأن تذهبين إلى جدولك وجدول الجامعه وتضعينهم بجانب بعض

ثم تنظرين << ادري مصختها

شوفي يا عسل انتي اول شي امسكي جدولك وشوفي كل ماده متى وقت المحاضرة وفي اي يوم

مثلاً انا بشرح لك ماده عندي زي علوم الحديث وقت محاضرتي من الساعه 7 ونص الين 9ونص

يوم الاحد والثلاثاء

رحت لجدول الاختبار

دورت وقت المحاضره بس ما ادوره من 7ونص لا انا دورته من 7 حكم عاد ليه ما ادري اسئلي هالجامعه اللي تجيب المرض استغفر الله ياربي وكمان با الايام وخلاص يطلع لك في اي يوم وتشوفين في اي وقت ظهر ولا عصر او لليل ..

بنسبه إذا كان موجود رقم الماده ورمزها في جدول الاختبار مرره مريح ما يحتاج تدوخين راسك خلاص تلاقينهم



عاد إذا مررره حستي وما عرفتي ما عليك يا عزيزتي إلا أن تسدحي لنا جدولك ونطلعه لك

وبتوفيق يا قمر ..