يالله نفكر بحل لمشكلة تعارض وقت المحاضرات مع الدوام !!

[الدانـــة]

:




السلام عليكم ورحمة الله وبركاته



طبعًا الكل عارف ان دوامنا بالجامعة باذن الله حيبدأ من الساعة 1

والدوامات ماتكون خلصت

انا مثلا دوامي سبت واحد ينتهي 2:40 وباقي الاسبوع 2:00

كيف اقدر اوفق بين الاثنين !!!!!!!!!!!!!!

وماعتقد ادارتي بترضى بدوام جزئي

واحتاج اشتغل عشان ادفع للماستر !!!!!!


مين نفس وضعي ؟؟ واش تقترحو حلول ؟؟؟

[فندام]

المشاركة الأصلية كتبت بواسطة الدانـــة : السلام عليكم ورحمة الله وبركاته طبعًا الكل عارف ان دوامنا بالجامعة باذن الله حيبدأ من الساعة 1 والدوامات ماتكون خلصت انا مثلا دوامي سبت واحد ينتهي 2:40 وباقي الاسبوع 2:00 كيف اقدر اوفق بين الاثنين !!!!!!!!!!!!!! وماعتقد ادارتي بترضى بدوام جزئي واحتاج اشتغل عشان ادفع للماستر !!!!!! مين نفس وضعي ؟؟ واش تقترحو حلول ؟؟؟

الاشكاليه هدي بتواجه جميع الموظفين المقبولين بالبرامج الخاصه عندك مثلا انا واحد زملائي بالعمل لما انقبلنا بماجستر المحاسبه المهنيه قبل سنتين واجهنا هدي الاشكاله كانت المحاضره الاولى تبدا الساعه 3 عصرا والدوام ينتهي الساعه 3 ونص ومقر عملنا بعيد عن الجامعه الى حد ما فكلمنا مدير الادره وسمحلنا بيوم الاربعاء الي عندننا فيه محاضره نطلع بعد صلاة الظهر وكان متجاوب معانا لابعد الحدود والشغله كلها يوم واحد كل اسبوعين واعتقد مافيها اشكاليه كبيره فالحل الوحيد انك تتفاهمي مع رئيستك المباشره بالعمل وتشرحيلها الوضع ولو مره مااتجاوبت معاكي فالحل الاخر هو انك تاخدي اجازه من العمل باليوم الي يكون عندك فيه محاضرات مافي حل ثاني وبعض زملائنا بالبرنامج اضطرو لهدا الحل الصعب بعد رفض جهات عملهم السماح لهم بمغادرة االعمل قبل انتهاء الدوام الرسمي بهدف حضور المحاضرات
فكل الموضوع مرتبط بالرئيس المباشر بالعمل لو كان مرن ومتعاون حتمشي الامور اما لو كلن غير كدا فما قدام الموظف الا انو يقدم اجازه باليوم الي يكون عنده فيه محاضرات والله يسهل الامور

[NisReEn]

السلام عليكم
كله يعتمد على مديرتك مثل ما اتفضل اخي الكريم
ممكن تعطي حصصك في ايام المحاضرات وتطلعي الساعه 11 او 12 حسب الطريق
اهم شي لا تخلي حاجة توقف في وجه دراستك
كثيررر مدرسات بيدرسوا دبلوم عالي او ماستر ويداوموا في نفس الوقت
تعب بس اهم شي الطموح
اقنعي مديرتك و سوي لها اللي تطلبه لو كانت طماعه
الله يوفقك يا رب و يوفقنا جميعا

[احساس الوجود]

فعلآ هذا هو العائق الكبير إللي راح يواجهنا بما أننا موظفات..وللأسف الكثير من المديرات ماعندهن مرونة في هذا الشيء إلا إذا انجبرن بتعميم من وزارتنا الموقرة بالتعاون معنا ومساعدتنا لتحقيق طموحنا..السؤال اللي يطرح نفسه هنا:‏ هل هناك تعميم وزاري من وزارة التربية والتعليم تخدمنا في هذا الجانب‏?وماذا عن برنامج الإيفاد الداخلي هل من الممكن استغلاله في هذا الأمر‏?‏..قبل أيام في لقاء معالي الوزير الأمير فيصل بن عبدالله في برنامج الثامنة أكد أن خطة الوزارة الحالية قائمة على تطوير كوادرها من المعلمين والمعلمات فهل لنا من وقفة من وزارتنا وأميرنا لإكمال مابدأناه ولتحقيق طموحنا ولخدمة وطننا أولآ وآخرآ‏?‏‏!‏‏! أرجو تجاوب الكل في هذا الطرح عل وعسى نجد حلآ..