4 سنوات من الانانية !!!

[أبو فاتن]

المشاركة الأصلية كتبت بواسطة عآآآدل أذكر ويمكن أغلبكم يذكر بأن أحد الطلاب هنا في المنتدى وضع مبلغ مالي لمن يحظر للدوره التأهيليه ..

ياساتر ياعادل بالله تقوله صادق .!!!!!!

معقول وصلت الأمور لهالدرجة .!!!!!




أما بخصوص الموضوع فـ أنا عندي ملاحظة بسيطة .. زمان يمكن كنت ألوم بعض الناس مثلكم .. بس والله ياشباب لو تعرفون بعض الأمور اللي تحصل بعض الأحيان سواء هنا بالمنتدى أو برى والله يمكن ما أحد يلوم أحد



مثال بسيط جداً وماحصل معاي ولله الحمد لأنه لو حصل معاي ماراح أسكت طبعاً .. الموضوع حصل مع أحد الشباب بأحد الأقسام
شخص يجتهد ويتعب وينقل ويبحث وبالآخير تجير المواضيع تحت معرف مشرف والعالم إذا دعت أو شكرت تدعي وتشكر هالمشرف اللي لو يفحط مايسوي سواة هالناس اللي تجتهد ( لأن أكثر هالمشرفين شغلتهم تنظيمية ليس إلا .. إلا من رحم الله ) وبالأخير هالعضو اللي أجتهد يغيّب تماماً .. إذاً كيف تبون هالناس تبدع إذا مافيه حتى دافع معنوي .. طبعاً فيه ناس نظرتهم قاصرة وراح تفهم كلامي غلط عشان كذا حاب أقول إني ما أقصد لا تثبيت مواضيع ولا أيقونات شكر لأن اللي هذي نظرته فهو لا يستحق التقدير أصلاً


لازم احنا بعد نكون منطقيين ياشباب ونحاول نشوف أي مشكلة من عدة زويا .. أسبابها .. حيثياتها .. طرق حلها عشان فعلاً يوم نشخص المشكلة نعرف نضع أيدينا على السبب الحقيقي هل هو العضو نفسه .. هل هو المشرف .. هل هو التعامل .. هل هم الأعضاء أنفسهم




عني أنا ولا أحد يزعل لأن هذا رأيي الشخصي والله بالظروف الراهنة والله ما ألوم أحد مايقدم معلومة

الشخص إذا قدم فهو كرم وطيب منه وإذا ماقدم ماينلام

[عآآآدل]

المشاركة الأصلية كتبت بواسطة أبو فاتن ياساتر ياعادل بالله تقوله صادق .!!!!!! معقول وصلت الأمور لهالدرجة .!!!!!

وأكثر من ذلك بعد .. فيه بعضهم ماعنده قدره أنه يحظر الدوره التأهيليه مثلي وغيري واجد واحد من هؤلاء قدم هالعرض المادي .. وفيه موضوع ثاني واحد طارح فكره أنهم يسوون قطه ويقدمونها لأحد الطلاب علشان يحظر وكل ذلك في منتدانا .. أنا لأ ألوم الي بيدفع أنا ألوم الطلاب الي يحظرون ويشحون على أخوانهم بالمعلومه .. والله وش بقينا للمصاريه والفلسطينيين الي ناشبين لنا في كل موضوع يسوقون أنفسهم علينا ..

ياأبو فاتن ألي ماعنده وقت يعطي للمنتدى كيف يصير له وقت ياخذ منه ...!!

والأمر والأدهى تلقى واحد فاتح موضوع وسادح جدوله يقول أبي ملخصات ومشاركاته ماتتعدى 50 ماعليه يمكن نتقبل عدد المشاركات لكن لو راح لصفحة المنتدى رقم 2 أو 3 لقى كل الي يبيه بدون مايفتح موضوع.. يبي كل شئ يجيه وهو داق التربيعه ثم تحميل وطباعه وعطى المنتدى أشكل ويمكن يحظر الدوره التأهيليه وأخر مايفكر فيه المنتدى .. ياأبو فاتن فيه ممارسات بهالمنتدى ترفع الظغط لكن عزاي بهالشئ أني طالب خريج وبترك لكم الجمل بما حمل ..


تشكرآتي

[أبو فاتن]

المشاركة الأصلية كتبت بواسطة عآآآدل وأكثر من ذلك بعد .. فيه بعضهم ماعنده قدره أنه يحظر الدوره التأهيليه مثلي وغيري واجد واحد من هؤلاء قدم هالعرض المادي .. وفيه موضوع ثاني واحد طارح فكره أنهم يسوون قطه ويقدمونها لأحد الطلاب علشان يحظر وكل ذلك في منتدانا .. أنا لأ ألوم الي بيدفع أنا ألوم الطلاب الي يحظرون ويشحون على أخوانهم بالمعلومه .. والله وش بقينا للمصاريه والفلسطينيين الي ناشبين لنا في كل موضوع يسوقون أنفسهم علينا .. ياأبو فاتن ألي ماعنده وقت يعطي للمنتدى كيف يصير له وقت ياخذ منه ...!! والأمر والأدهى تلقى واحد فاتح موضوع وسادح جدوله يقول أبي ملخصات ومشاركاته ماتتعدى 50 ماعليه يمكن نتقبل عدد المشاركات لكن لو راح لصفحة المنتدى رقم 2 أو 3 لقى كل الي يبيه بدون مايفتح موضوع.. يبي كل شئ يجيه وهو داق التربيعه ثم تحميل وطباعه وعطى المنتدى أشكل ويمكن يحظر الدوره التأهيليه وأخر مايفكر فيه المنتدى .. ياأبو فاتن فيه ممارسات بهالمنتدى ترفع الظغط لكن عزاي بهالشئ أني طالب خريج وبترك لكم الجمل بما حمل .. تشكرآتي

والله إني شايف وعارف وحاس بكل اللي تقوله وأنا أخوك وماتنلام والله

ولكن مانقول غير لاحول ولا قوة إلى بالله .. ويكفي إنه الواحد طلع وتشرف بمعرفة ناس أمثالك أخوي عادل وهذا هو المكسب الحقيقي لأنه العالم الله إنك من الناس اللي لهم مكانة خاصة عندي


مانبي نكثر بالحكي لايجنا واحد الحين مطفي النور ويقول قلبتوها شات.. المواضيع ماتقلب شات إلا إذا دخلها معرف أبو فاتن والا موضوع ياخذ ثلاث أيام مفتوح وحدي أشارك فيه ينحذف على الله وأنا أخوك لاتدقق عيش أيامك بهالمنتدى وأطلع والله يوفقك وين ماكنت مثلك مثل الأخوان اللي راحوا الله يوفقهم

[ملخبط]

(( يا أيها الذين آمنوا لا تبطلوا صدقاتكم بالمن والأذى كالذي ينفق ماله رئاء الناس ولا يؤمن بالله واليوم الآخر فمثله كمثل صفوان عليه تراب فأصابه وابل فتركه صلداً لا يقدرون على شيء مما كسبوا والله لا يهدي القوم الكافرين))

وفيه ناس يحبون المدح حتى على شي ما سووه مثل اللي يلقط المعلومة من مشاركات سابقة في المنتدى شاف ما عليها ردود ولا مشاهدات كثير يجي ينزلها ويسجلها باسمه لا ويكتب عليها حصري كمان .. ويقول التعب على شانكم يهون لا داعي لا داعي .. وثاني يوم يطيح في العالم ليش ما تشاركون ليش ما تشكروني..

وهذي الفئة منهم ناس مشاركين في هذا الموضوع

ياأخي المنتدى ما هو واقف على أحد
اللي عنده القدرة وبيفعل الخير ما ينتظر من أحد شكر ..

صحيح إن المشاركة طيبة وزي ما تاخذ تعطي لكن اللي ما عنده شي يقدمه ما هو ملزم بشي والمنتدى للجميع

ما نجلس نمن عليه ولا نحرج عليه