تجآرب دفعه12

[ls3t shqawah]

ساهزم المستحيل ربي يوفقك وتكون السنه حلوه عليكي

قبل ما اقولك تجربتي اول شي ابغاكي تحطي في موخك انو لا تخلي اي كلام سلبي يأثر عليكي بالعكس خليه شي يحمسك ويخليكي تجتهدي اكثر انو انتي تقدري تجيبي الدرجات الكامله وانو انتي غير باجتهادك تقدري توصلي لمطلبك ولا احد يقدر يظلمك ولا رح تواجهي الظلم دامك تسوي كل اللي تقدري عليه ....

اول شي انا بدات بخطه أ بدايتي كنت حاسه بشعور تبلد كنت احس كانو رايحه لنزهه مو جامعه ههه المهم طولت وانا على التبلد ده ما كنت اذاكر شي وادخل الكلاس ولاانتبه واجلس ورا وعلى البيبي على طول المههم جات اختبارات الدوري الاول الرياضيات ذاكرتو اي كلام والعربي وقسم بالله ما فتحتو ابدا الثقافه قرأه عل سريع ومو كلو حتى الحاسب طول الترم اصلا ما اذاكرو ههه طبعا اخذت الدرجات وجابتلي ارتجاج في المخ من جد هههه كانت في العربي 18 والرياضيات 20 مستحيل انسا صدمة الدرجه دي بس البقيه كانت حلوه لانها سهله بعدها فوقت من التبلد وسرت اجلس قدام شويه وانتبه ما امسك الجوال ابدا وقت الكلاس حاولت اهتم واجتهد اكثر الدوري الثاني تحسنت درجاتي بس برضو ما كانت اللي اطمح لها ايش سويت ما سبيت الاستاذه ولاىقلت انظلمت ولاشي وانا اجتهدت يعني وذاكرت جلست معا نفسي راجعت طريقة مذاكرتي على شان ابحث عل خلل وعرفت ايش الخلل اللي كان فيا ولقيتها في طريقة مذاكرتي اني اذاكر من غير ما ادرب يدي على حل الاسئله وهذا ما يجيب نتيجه مرضيه ابدااااا لازم تدريب اليد بالذات في الرياضيات والحمدلله النهائي دربت يدي وجبت الدرجه الكامله والاحصاء نفس الشي دربت نفسي في النهائي وجبت 40 يعني الخلاصه الاحصاء +الرياضيات+ العربي يببغالها حل اسئله ورح تكون جدااا سهله ولازم من البدايه تهتم وما تغلطي غلطتي لانو جد ندمانه كثير

المهم والمواد الثانيه الاتصال طبعا تجيبي فيه +a وانتي مغمضه عينك مررره سهل والثقافه والحاسب نفس الشي اما بالنسبه للتفكير سهل مررره اسئلتو لكن مذاكرتو غثيثه شوي ...

وفي الاخير من ششخص لشخص تختلف حب وكره الماده لكن عن تجربه اذا احد قال لك الاحصاء بتاكلي تراب فيه في النهائي ولا اي ماده لا يهمك الكلام لانو مو صح بنات كثييير يوم يسألوني عن درجاتي في الاحصاء الدوريات كنت اقولهم يقولو في النهائي ما بتجيبي كذا لانو كثير راسبين فيه بس ما كنت اهتم لكلامهم وقسم بالله انو النهائي كان اعلى الدرجه من الدوريات وكان مجموعي عالي فيه يعني كلامهم مو صح دام فيه اجتهاد واصرار

ونقطه اخيره اللي يقولك ما حتقدري ترفعي معدلك الترم الثاني مو صح الكلام انا الترم الاول كان معدلي واطي 3.60 وكثيير يقولو ما بترفعيه الا بالفواصل بس الحمدلله رفعتو ل 4.04 التراكمي هذا الكلام اللي كان يواجهني ويواجهه بنات كثير

نصيحه* لا تحتكي في بنات التحضيري كثير خلي علاقتك سطحيه معاهم لا تثقي فيهم على طول لانهم بيأثرو عليكي كثير وبتسير مشاكل يعني رييحي راسك وكلها سنه بتكون هيا


وبالتوفيق ..