استفسارعن دبلوم التوجيه والارشاد النفسي

[عزف الجروح]

السلام عليكم وحمة الله وبركاته


كل عام وانتم بخير ..

اخواني واخواتي .. لما لمست منكم من حب الخير ومساعدة الآخرين طمعت في مساعدتكم لي ايضا .

احببت ان استفسر عن دبلوم التوجيه والارشاد النفسي ... لأنني لم اجد اجابه لاستفساراتي الكثيره حوله ..لما يحيطه من الغموض فهو دبلوم جديد في جامعة طيبة .. لكن من خبرتكم ولانه ممكن يوجد في جامعة الملك عبد العزيز نفس القسم

1- ماهو مجال دراسته ..مثل مواد علم النفس ..؟؟
2- ماهو مجال العمل بعد التخرج ؟ وللعلم انا خريجة لغة عربية تربوي
3-هل تنصحوني اقدم عليه أو اقدم على دبلوم التربية الخاصه ؟
4- هل يدعمني ويزيد فرصة قبولي في ماجستير على النفس ..لو قدمت بعد الحصول على الدبلوم؟
5- هل يستحق التقديم فيه ؟؟ لانني سأتحمل عناء السفر وترك منزلي طوال فترة الدراسه .. حسب عدد ايام الدراسه في الاسبوع
6- هل يوجد مثل هذا القسم في جده ؟ واذا موجود ماهي متطلبات القبول فيه ؟؟



وللعلم ..

انني اتمنى ان ادرس الماجستير في علم النفس ..

وبالنسبة لدبلوم التوجيه والارشاد النفسي ..مدة دراسته سنه ..او..سنة ونصف




بانتظاركــــم ..

اطيب تحية ..

[عزف الجروح]

لازلــت انتــــظــــر

[arwaroz]

السلام عليكم ورحمة الله وبركاته

انا خريجة علم نفس وحاحاول ارد على سؤالك بمعرفتي البسيطه طبعا من المواد الاساسيه الي درسناها في التخصص توجيه وارشاد نفسي ، من احد فروعه توجيه وارشاد تربوي الي بيهتم بعملية التعلم والتعليم والتدريب (يعني العمليه التعليميه وتطويرها ووضع مناهج متوافقه مع الفئه العمريه والقدرات العقليه للاطفال في كل مرحله ) وكمان بتطبيق بعض اختبارات الذكاء والقدرات على الطلاب ، اما توجيه وارشاد نفسي مختلف يهتم بتوجيه الفرد علشان ياخد قرارات صح في حياتو يعني مثلا شخص محتار يختار بين امرين يقابل اخصائي التوجيه والارشاد النفسي يجلس معاه ويطبق عليه بعض الاختبارات النفسيه ويوصل معاه لحل لمشكلته ولاختيار واحد من الحلول من غير ما ياثر على قراره يساعده في اتخاذ القرار مو ياخذ القرار عنه (يوصل الفرد للاستفاده من قدراته بالدرجه القصوى واكتشاف مواطن القوه والقدره على اتخاذ القرار) دا الفرق بطريقه مبسطه جدا جدا

وبالنسبه للدبلوم وهل هو مفتاح لدخول الماجستير اعتقد انو شرط الماجستير التربوي العمل في القطاع التربوي والدبلوم بديل الخبره العمليه

ان اصبت فمن الله وان اخطات فمن نفسي ..والله يكتب لك الخير

[عزف الجروح]

arwaroz

الله يعطيك العافيه اختي ماقصرتي

توجيه وارشاد نفسي مختلف يهتم بتوجيه الفرد علشان ياخد قرارات صح في حياتو يعني مثلا شخص محتار يختار بين امرين يقابل اخصائي التوجيه والارشاد النفسي يجلس معاه ويطبق عليه بعض الاختبارات النفسيه ويوصل معاه لحل لمشكلته ولاختيار واحد من الحلول من غير ما ياثر على قراره يساعده في اتخاذ القرار مو ياخذ القرار عنه (يوصل الفرد للاستفاده من قدراته بالدرجه القصوى واكتشاف مواطن القوه والقدره على اتخاذ القرار)

طيب حلو لو هذي فايدته .. احب اقوم بمثل هالدور ..لكن هل دبلوم لمدة سنه يأهلني اكون اخصائية توجيه وارشاد نفسي ..ام يحتاج له دراسات اخرى ؟؟
واتمنى ألاقي اجابة لباقي استفساراتي ..

[معلمة مكه]

الله اعرفه ان توجيه وارشاد نفسي ماجستير مو دبلوم ومجالات تخصصه اكثرها في التعليم مثل مرشده طلابيه .

[عزف الجروح]

المشاركة الأصلية كتبت بواسطة معلمة مكه الله اعرفه ان توجيه وارشاد نفسي ماجستير مو دبلوم ومجالات تخصصه اكثرها في التعليم مثل مرشده طلابيه .

الله يعطيك العافيه اختي معلمة مكة ..
اللي اسأل عنه دبلوم في جامعة طيبة .. ولو انه طبعا الماجستير افضل لكن الجود من الموجود نحاول في الدبلوم الين يجينا الماجستير على خير

[عماد الحسن]

موفقين أخواتي الكريمات وكل عام وأنتم بخير

العلم كله خير سواءً الدبلمو أو الماجستير، وطالما أن لديكم الرغبة فيه أنصحكم بسرعة التقديم في أقرب فرصة، ولو ناسبكم التخصص ممكن تكملي فيه أو تحولي لمجال ثاني.، وبالنسبة للماجستير في علم النفس أو التوجيه والإرشاد فأكيد أن دراسة هذا الدبلوم سوف يفيدكم في المفاضلة لأنه قريب من التخصص... دعواتنا لكم بالتوفيق.

[عزف الجروح]

المشاركة الأصلية كتبت بواسطة عماد الحسن موفقين أخواتي الكريمات وكل عام وأنتم بخير العلم كله خير سواءً الدبلمو أو الماجستير، وطالما أن لديكم الرغبة فيه أنصحكم بسرعة التقديم في أقرب فرصة، ولو ناسبكم التخصص ممكن تكملي فيه أو تحولي لمجال ثاني.، وبالنسبة للماجستير في علم النفس أو التوجيه والإرشاد فأكيد أن دراسة هذا الدبلوم سوف يفيدكم في المفاضلة لأنه قريب من التخصص... دعواتنا لكم بالتوفيق.

الله يعطيك العافية استاذي الكريم ..
فعلا انا قدمت على موقع الجامعه وقبلني الكتروني .. وننتظر بعد المقابله هل أقبل او لا ؟؟

والله يقدم اللي فيه الخير ..

وجزاكم الله خير ..

[www055555]

أنا اسف إن جاءت إجابتي متأخره لكن ممكن أفيدك أكثر 000
بالنسبة لدبلوم التوجيه والارشاد مافي فايده منه في مجال التوظيف لانه خاص بالمرشدين الطلابين والمرشدات الذين هم على رأس العمل وهم في الاصل معلمين بعد ذلك اصبحوا مرشدين فماراح تستفيدين منه شيءفي التعين انصحك بدبلوم التربية الخاصة ممكن يكون أفضل بس مو مضمون لانه اصبح هناك بكالوريوس تربية خاصة بس بعض مناطق المملكة البعيدة محتاجة بس هناك عقبة أثبات السكن لكنه افضل من دبلوم الارشاد
أما بالنسبة لدبلوم الارشاد في جامعة الملك عبد العزيزفكان موجود وتم استبداله بماجستير ا لتوجيه والارشاد الوظيفي يعني غير معترف فيه في وزارة التربية والتعليم اسف أن تكون هذه إجابتي لكن لكن هذا الواقع وربنا يوفقك00

[امير نفسه]

ياليت احد يفيدني عن دبلوم توجيه وارشاد نفسي هل هو تخصص تربوي ام انساني مختص بدراسة سلوك الفرد وهل يفيد العاملين في المجال الصحي ام مقتصر على التعليم