معلومات عن / مواعيد استلام الوثائق .. ومشاكل الأودس ( التسديد + الحذف والإضافة )

[أبو فاتن]

السلام عليكم ورحمة الله


اليوم جايب لكم أخبار من الجامعة وكني عبدالله السدحان يوم صار مراسل قناة طش إم طش .. بس بدون شيبات لأني مابعد تزوجت


المعلومات اللي جايبها الله يطول بأعماركم هي عن مواعيد إستلام وثائق طلاب الإنتساب + المشاكل اللي تواجه الطلاب في التسديد والحذف والإضافة وزوال الجداول بعد اعتمادها ومسببات عدم تنفيذها فـحبيت أنقل هالمعلومات للطلاب اللي خارج جدة والا اللي بجدة ماعليهم خلاف

أولاً :

موعد إستلام الوثائق وهالكلام للأخ القدير والقدير جداً السيد / أبو طالب

يقول أبو طالب وقوله نعم القول : إن موعد إستلام الوثائق لطلاب الإنتساب هي من اسبوع إلى ثلاثة أسابيع من ثبات المعدل وإعتماده
قلت له يعني بعد كم الله يرفع قدرك لأن فيه طلاب خارج جدة ويبون يعرفون موعد أكيد عشان مايجون ويروحون بدون فائدة
قال : الأضمن خلهم يجون بعد 20 / 8 / 1433 .. ( ملاحظة : هذا الكلام اللي حصل ونقلته لكم بالحرف فـ إذا صار شي وأختلف الموعد باكر لايجيني أحد وينشب بحلقي .. واللي مو عاجبه كلام أبو فاتن مو ملزوم ياخذ فيه )

ثانياً :

مشاكل التسديد وإضافة وحذف المواد وإختفاء الجداول بعد إعتمادها من قبل الطلاب عن طريق الأودس كان سببه خلل في النظام العام
فـ بعض الطلاب ماكان يقبل معاهم الإضافه وهم مسددين أو ينزلون جداولهم بالليل ويصبح عليها الصبح بح ماعاد يلقاها .. هذولا عليهم إقافات مالية
الإقافات المالية إذا كانت على الطالب راح يرسلونه على الأستاذ / محمد أمين في عمادة خدمة المجتمع لتفعيل السداد .. وغالباً ماراح تلاقونه فيتم تحويلكم إلى السيد / عبدالله المالكي في المكتب اللي جنبه
فـ إن تم له التفعيل خير وبركة واللي مايتم يراجع بنفسه يوم السبت القادم أو يوم الأحد يعني بداية من 3 / 8 / 1433




هذا وسلامتكم ياطويليين الأعمار

[ssalobaid]

الف الف شكر على المعلومات القيمة
وجزاك الله الف خير

[الوليد الحجاج]

شكراً لك

[أبو فاتن]

المشاركة الأصلية كتبت بواسطة ssalobaid الف الف شكر على المعلومات القيمة وجزاك الله الف خير

المشاركة الأصلية كتبت بواسطة الوليد الحجاج شكراً لك

الله يعافيكم يااخوان ويجزاكم الف خير



لكم منزلة خاصة عندي بهالقسم



الله يوفقكم

[alwazer]

لازم تضيفون المواد بعدها يقبل السداد ياشباب

[أبو فاتن]

المشاركة الأصلية كتبت بواسطة alwazer لازم تضيفون المواد بعدها يقبل السداد ياشباب

فيه شباب أضافوها بالليل أصبح الصباح ولا كأنها كانت موجودة حتى القصّاص مايطلع لها أثر

[عبدالعزيز الفهد]

السلام عليكم و رحمة الله و بركاتة

أسال الله أم يرزقكم في هذه الجمعه دعوة مستجابة


أنا طالب معفي عن الرسوم : ومعدلي قريب من 3


وهذا أخر ترم لي : الترم الصيفي : لم يتبقى لي : سوى : التدريب العملي , ومشروع التخرج


حاولت أن أدخل على الجدول , وأختار الترم الصيفي : لكن لم تتم العملية

وأذهب للرصيد الخاص بالرسوم : و أجد : 00


هل سيمنحوني : أعفاء , أم أدفع الرسوم ؟


أحترت يا جماعة وخصوصاً أني أخشى أن يتوقف التسجيل

ويروح علي الترم


أتمنى الأفادة : من من يملكون الأفادة