القصيده التي أثارت بنات الخليج !!

[متفائل بحذر]

هذه قصيده كتبها احد الخليجين بعد قدومه من المغرب خلونا نشوف وش قال :


ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصهو كشره و منيره

-----------------

رد عليه أحد الشعراء ..

قال الذي في بدع الامثال صراف .. جزل يفرق بين درهم وليـــره


ياللي مدحت المغربيات بجـــحاف .. الله يجيرك من عماه البصـــــيره


لو تعجبك لميا وتغريد والطــــاف .. مايصلحن لهل الوجيه الســـــفيره


مفصخات و لبسهم حـول الارداف .. وبليس اغواهم بكشف الستيره


متعودات كلهم زيف وخفـــــــــاف .. على التغنج والتعطف وغيره


كل يوم مع صاحب و لافيهم اعفاف .. خويهم اللي فلوسه كثيره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــــــــراف .. مثل القماشه فالبحور الغزيره


ياللي تدور بالجواهر و الاصـــــــــداف .. الزين كله في بنات الجزيره

-----------

وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

---------------
للأمانه منقول

[العاشق الساهر]

رحم الله الشاعر الامير طلال الرشيد
ورحم موتنا وموتى المسلمين
وجميل ان الجمال والحسن يكون موضوع لقصائد بهذه البلاغه والابداع
رغم اختلافي مع الثلاثه
لكن الحق يقال القصائد تستحق كل تقدير واعجاب

الف شكرا على نقلها



سلامي

[متفائل بحذر]

العفو أيها العاشق .. وشكرا على التعقيب والاطراء ..

[منتسب الساحل الشرقي]

يعطيك اعافيه اخوووووووي متفائل بحذر

ومشكووووووور على النقل
وصدقني كنت ابحث عن رد المرحوم طلال الرشيد


القلوووووووب شواهد

[علاء]

متفائل بحذر

[رمروم]

صدقوني يكمن جمال بنات الخليج في تربيتهم وكمان يكفي بنات السعودية فخرا انو الناس تتجه خمسة مرات علينا وكمان قبر اشرف الرسل عندنا
وبعدين الجمال ماهو جمال الشكل بقد ماهو جمال الروح
وتحية لكل فتاة مسلمة والله يجعلهم كلهم في الجنة يارب

[سـلطان القلـوب]

آآآآآآآآآآآآآآآآآآالله وربي قمه في الابداع

صح السان شاعرها ولاهنت يالغلا

الــرد قوي رحم الله الشاعر الامير طلال الرشيد

.

[azoz 007]

تسلم تسلم مليووووووووووووووووووووون...

والله قصائد ولا اروع...

[بنت نجد]

تسلم اخوي متفائل بحذر على نقلك للقصيدة واجد حلوووووووة

[متفائل بحذر]

شكرا للجميع على مرورهم .. ويعطيكم ألف عافيه