[آرآئكم عن كـــل مـآآآ يخص طـآآلبـآت السنه التحضيري ]~♥

[Dr.MEEM]

ياهلا فيكم حبايبي ومبروك القبول
وان شاء الله تكون سنة سهلة وبسيطة عليكم وتعدي على خير

بالنسبة لاول يوم اكيد بيكون له رهبه وخصوصا انك طالعة من مجتمع صغير ( المدرسه ) وداخله على جامعة كبيرة
ف شي طبيعي كل هذا الخوف لكن بمجرد مايعدي اول يوم راح يتلاشى جزء كبير منه
اهم شي اول ماتداومين تشوفين اماكن قاعاتك عشان ماتحوسين اذا بدات الدراسه


بالنسبة للصديقات حسيت كل البنات اخلاق وطيبين نادرا تلقين بنت سيئة بس الحذر واجب !
خلي علاقتك سطحية مع البنات في البداية لين تحسينهم اوكي وتاخذين وتعطين معاهم


ملابس الجامعة حاليا لاتاخذين اشياء كثير لانه لو شفتي البنات يمكن تغيرين رايك وتبغين اشياء ثانية
والاشياء الي اخذتيها ماتلبسينها !
الحين اشتري تنورتين سودا وحدا سترتش ووحدا سكني
اللون الاسود يناسب كل الالوان + التنانير والله مرا حلوة وشيك
انا ماكنت احب البسها وكنت البس بنطلون في اول اسبوعين بعدين اقتنعت حسيتها جد حلوة
اهم شي ماتكون طويلة يعني فوق الكعب بشوي افضل شي !
ممكن ماتلاقين ف المولات كثير فصلي احسن
البلايز والتيشيرتات خذي اشياء بسيطة تكفيك اسبوع او اسبوعين وبعدها انزلي اشتري على راحتك !
خذي 3 بلايز ناعمة وبسيطة جدا والافضل تكون سادة و 2 تيشيرت بالالوان الي تحبينهم
ممكن تشترين جاكيت او جاليه او كارديغان تلبسينهم مع تيشيرت او بدي مع اكسسوار بسيط
وافضل محلات تقريبا : مانقو , زارا , بيرشكا , برومود , ستراديفاريوس و .. الخ
كل ستايلاتها تقريبا تناسب الجامعة

بالنسبة للشوز والباق خذي فلات لونه غامق اسود او بني لان الابيض ينعدم وخذي شوز سبورت بينفعك كثير
والباق ممكن تاخذين على الظهر ( باك باق ) عملية مرا واذا حابة تكشخين خذي شنطة على الكتف كبيرة وتتحمل !
وتجنبي الالوان الفاتحة في الشنط لانها تنعدم مع الشمس !

الميك اب لازم يكون بسيط مو زي بعض البنات الله يهديهم يوميا كريم اساس وروج احمر
الي تحتاجينه واقي شمس + بلاشر وردي او برونز + روج صباحي هادي + ماسكرا
واذا حابة تحطين كحل حطي بس لاتخبصين كثير !
ولاتنسون النظارات الشمسية بعد مهمه
والي حابة تلبس بنطلون مع اني مااشوفه اكشخ من التنورة .. تلبس بلوزة تغطي الفخذ اهم شي
وان شاء الله مايمسكونها

وبالاخير اهتموا بدراستكم
وحلو البنت تهتم بدراستها واناقتها بنفس الوقت وربي يوفقكم
دعواتكم واي سؤال انا موجوده