الأسئلة والاستفسارات عن كلية طب الأسنان ..

[*سلفادوره*]

السلام عليكم ورحمة الله وبركاته
كيفكم ياأطباء المستقبل:) ان شاءالله عال العال:) طبعاً هذا اول موضوع لي بمنتدى طب الأسنان بعد قبولي فيه ولله الحمد طبعا طبعاً اسئلتي بسيطه بس احتاج لاجاباتها الله يسعدكم
اولاً / طبيعة الاختبارات في كل ماده كيف بالاضافه للمواد العامه العربي والدين وهل في بونس في بعض المواد زي التحضيري ولاكيف؟!!
ثانياً / ايش المواد الي ضروري نشتريلها كتب والمواد الي نعتمد فيها ع ملخصات او سلايدز او شيتات !!؟؟
ثالثاً /مافي ماده نقدر نضمن فيهاال100٪ او 99٪ او ع الاقل فوق 95٪ لأنهم صراحه خوفوني من مسألة الدرجات والنسب>_<!!??
استنى ردودكم بفارغ الصبر بالذات دكتوره نانوك الله يسعدك بماانه عندك خبره ولكم خالص شكري وودي

[مَـزٍآج ..}..]

وعليكم السلام ..

اولاً / طبيعة الاختبارات في كل ماده كيف بالاضافه للمواد العامه العربي والدين وهل في بونس في بعض المواد زي التحضيري ولاكيف؟!!

كل مادهـ في الغالب لها نظام .. لكن في العاده الأختبارات كلها تكون MCQs و Essay
طبعا غير اختبارات العملي للمادهـ وتختلف من ماده للثانيه .. وفي السنوات الإكلينكيه شغلك
في العيادهـ على المريض عليه درجآت واختبآر برضو .. يعني باختصار الاختبارات والدرجآت
موزعه على اشياء كثيـررر .. العربي والثقافه ثلاث اختبارات الاول 30 والثانيه زيـه
والاخير 40 .. البونس نادر وغالباً يكون ريسيرش او شئ زي كدآ ..

ثانياً / ايش المواد الي ضروري نشتريلها كتب والمواد الي نعتمد فيها ع ملخصات او سلايدز او شيتات !!؟؟

جواب السؤال هذا الأفضل تنتظري لما بدايه السنـه .. كل قسم راح يدخل لكم الكورس دايركتور حقو
ويقول لكم بالتفصيل هوا ايش يبغى منكم .. بعض الأقسام تعطي شيتآت وبعضها لا .. وبعضهم
حقولوا لكم لازم تشتروا الكتب واقسام يكتفوا بالشيتآت حقهم .. يعني على حسب القسم

ثالثاً /مافي ماده نقدر نضمن فيهاال100٪ او 99٪ او ع الاقل فوق 95٪ لأنهم صراحه خوفوني من مسألة الدرجات والنسب>_<!!??

الي يجتهد راح يحصل الي يبغاهـ .. الـ +a والـ a تقدر تجيبها بتعبكـ .. ومره مو شئ مستحيل
والدليل طلاب وطالبات كثير جابوها وفي مواد صعبه .. لكن شئ طبيعي بتكون فيها صعوبـه
ومذاكره اول بأول والخ من دي النصآئح .. الفكرهـ انـه الي يجتهد يجيبها بالراحه .. !!




بالتوفـيق .. اتمنى اكون افدتكـ .. ولو ما فهمتي حاجه اسالي .. !!

[Dr~NanoOok]

عليكم السلام والرحمة

اهلا بك سلفادوره في عائلتنا الأسنانية
باذن الله حتنبسطي بالقسم وتحبيه

د.عمر ما قصّر وجاوب على اسألتك

وهنا بالموضوع وبالردود جاوبت على نفس الأسئلة
وأي سؤال حابة تستزيدي في اتفضلي

http://www.skaau.com/vb/showthread.php?t=94958

[*سلفادوره*]

يسلمكم ربي حبايبي ع الردود دكتور عمر ودكتوره نانوك
وبالنسبه للدكتور عمر وفيت وكفيت الله يحفظك ودكتوره موضوعك الي ف الرابط من شدة اهتمامي فيه كتبته من اول في دفتر مذكراتي :))
الله يعطيكم ااعافيه يارب؛)