[.. ما أشبهَ اللّيلةَ بِالبارِحة ..]

[Aishah AL-farhah]

عمي الكبير عمره يتجاوز الستين وده زمان أول يرجع
ويقعد مع الحريم بلا حجاب ولا شيء ويطق حنك معهم وكل شيء

لذلك لما يشوفنا يصيبنا ارتجاج واضطراب عنيف إذا صادفنا أحد من عيال عماني بالدرج
يشمئز منا ويجلس يقول " ستويبد " عاد شايب ويعرف انجليزي لازم يورينا أنه يعرف انجليزي
ويرمقنا بنظرة الاستحقار ، ويعني إنا غبيات وما عندنا سالفة !!

وإذا كنت ببيتهم وجاء أحد عياله يبي يمر أقوم أنا غرفة البنات ، ينشب فيني إلا اجلسي
هذا أخوك هذا ولد عمك ، والمشكلة تكون حرمة الولد جالسة ، وعيونها يتطاير منها الشرار

بعض الأحيان توصل معه لدرجة الزعل ، ويجلس زعلان على بناته وما يكلمهم
لأنها ما شاركتهم السفرة وفيه واحد من عيال عمانها !!

بس المهم إن نيته بريئة ، وده بس يرجع الوضع مثل زمان ، على أيام شبابه
ماكان الحريم يتحجبون بالقرية ، وكانوا عماني وزوجاتهم يتشاركون سفرة واحدة