الجدول

[sarap]

المشاركة الأصلية كتبت بواسطة εqαά αŀώάrđ وعليكم السلام ورحمة الله وبركاته اهلا فيكِ عزيزتي ، الحذف والاضافة لسى ما انفتح للتعليم عن بعد ، ممكن ينفتح على الاسبوع الجاي ، وغالبا هما بالبداية ينزولك جدول وبعدين تبدأي انتي تعدلي تحذفي و تضيفي ،، بالنسبة للمواد ، انا ما اخذت الا علم نفس فسيولوجي ، الباقي لسى ،، اخذته مع دكتورة ماجدة رائعة وطيبة كثير وشرحها تفاعلي واسئلتها واضحة وسهلة بالنسبة للمواد الحرة ، حروب صليبية مع دكتور عمر اليماني ، بصراحة دكتور اخلاق وشرحه ممتاز بدون مجاملة ويحب التفاعل اثناء الشرح . ويعطيكِ حقك على قد تعبك ان شاء الله ، تقسميه للدرجات حلو جدا ،، كان 50 فصلي ، 50 نهائي ، ما أدري إذا الحين تغير التقسيم بالنسبة له . يطلب منك تقريبا 4 واجبات ، (واجباته مقالية) ويعطيكِ وقت كافي جدا لحلها مايقل عن اسبوعين على حسب الواجب . الاختبارات ايضا مقالية ويعطيكِ مدة كافية للحل ، تقريبا 3 اختبارات . ويعطيكِ تكليف عمل بور بوينت عليه 10 درجات ، يخبركم فيه من بداية الفصل الدراسي وتسلميه له قبل الاختبارات النهائية باسبوعين ثلاثة يعني فترة كافية جدا ، بس مو اي عرض ياخذ العشرة كاملة ، يقيم بدقة على المحتوى والمعلومات وتعبك في العرض . يعني يبغاله مجهود بصدق . واختباره النهائي 50 درجة ، يكون موضوعي خمسين فقرة . صح وخطا واختياري من متعدد ، مايخرج من الكتاب ابدا لكن كل حرف معاكِ ، تقرين الكتاب بتركيز وهدوء وبإذن الله الامور تكون مسهلة . اما المواد الثانية الحرة ماعندي خلفية عنها ، أتمنى يفيدوكِ اللي أخذوها ... إذا أخذتي الحروب واحتجي استفسارات عنها حياكِ اتمنى لك التوفيق

شكرآآ يا قلبي الله يوفقك انشاءلله راح ارجعلك