لطلاب المستوى الثامن انتظام

[live staile]

السلام عليكم ورحمة الله

اخواني اخواتي حابة اسئلكم عن الدكتور محمد عبد الله برعي
يعني كيف شرحة واسئلته وتعاملة مع الطلبة وشكرا ؟

[AnwaRoozo]

انا درست عنده بحوث خدمات صحية .. وأخذت عنده الحمدلله 96 ..
مشكلته انو شديد مرة بالنسبة للشرح جيد ..

[live staile]

جزاك الله خير

[AnwaRoozo]

المشاركة الأصلية كتبت بواسطة live staile جزاك الله خير

انتي ماخذه اي مادة عنده ؟؟

[live staile]

تقيم واصلاح رعاية

[AnwaRoozo]

المشاركة الأصلية كتبت بواسطة live staile تقيم واصلاح رعاية

زيي انا منزل كمان تقييم وإصلاح عنده .. بس ماادري ايش نظامه بالضبط في المادة ذي
..
اللي اعرفه في مادة البحوث الصحية /-
شرح لابأس به .. ما يعطي واجبات كثيرة .. الاختبارات كانت اغلبها عربي وسؤال او سؤالين
انجليزي على شكل صح او خطا ..
والأسئلة بصفة عامة لاهي سهلة ولا صعبة .. متوسطة ..
مايحب احد يتكلم وهو شرح او ينشغل بجواله ..

[live staile]

يا الله الحمد الله المهم الدرجات والشرح والاساله اذا كان كويس خلاص
مشكور اخوي ما قصرت

[AnwaRoozo]

المشاركة الأصلية كتبت بواسطة live staile يا الله الحمد الله المهم الدرجات والشرح والاساله اذا كان كويس خلاص مشكور اخوي ما قصرت

العفو أختي ..
لو عندك علم أمراض عند الدكتور اسماعيل السيد .. ترى كان يدرس احصاء حيوي ..
ويقولو عنه العيال ممتاز وكويس ويمدحو فيه .. ونحنا منزلين عنده

[live staile]

ايوة عندنا و اتوقع هوا نفسوا الي حيدرسنا

[AnwaRoozo]

المشاركة الأصلية كتبت بواسطة live staile ايوة عندنا و اتوقع هوا نفسوا الي حيدرسنا

اجل لاتخافو ان شاء الله .. ^_^
وموفقين يارب ..