نداء لدفعة 13 اي سؤال .. استفسار .. مشكلة .. اكتبها و حنحاول نساعدك

[S.Bn]

المشاركة الأصلية كتبت بواسطة hu~ أنا قربت أنهار أهم مادتين يعطوني هي دكتورات الله يستر عليهم @_@" الرياضيات تبغى تضغطنا و تاخذنا زيادة عن حد الدوام الأصلي !! عشاننا متأخرين مرة :( وياريت أفهم شي من كلامها كل شي داخل في بعض ! و الفيزيا الله يستر منّها اليوم أول محاضرة وبدئياً جيدة نوعاً ما مررة شايلة هم كبير جداً و مكتئبة مو معقولة :( ! لو تدّليني كيف ممكن أغير شعبتي و أحضر عن دكتورات أحسن! بأسهل الطرق الله يخليكي كل شي متعب في دي الجامعة الغريبة ماعرف أمسك ايش ولا ايش يادوب أرجع بيتي أنام حتى مافي وقت أذاكر أو أراجع @_@" !! آه بس الله يعين ~

ـ ترا الرياضيا حتاخدوا كتيير محاضرات اكسترا يعني قبل الاختبارات كنا في ايام ناخد فيها 3 ساعات رياضيات اكسترا غير الاساسية

ـ و ترا الرياضيات مررررة سهل و اذا انتي مو مرررة خدي لك ملخص جمال السعدي

ـ الفيزيا بما انو انا كنت مو مررة فيه اخدت ملخص يوسف زويل و الحمد لله 90 جبت

ـ لا ترا بس اول الايام حتتعبي كتير و حتنامي طول الوقت بس بعدين تتعودي

ـ اما بالنسب للتحويل
تروحي تدوري عل شعبة عند استاذة كويسة و احضري عندها مررة و لا مرتين اذا كويسة قولي لها بجي عندك
و بعدين روحي لاستاذتك و كلميها انو بانقل للاستاذة فلانة و خدي منها ورقة و اشطبي اسمك و روحي للاستاذة و اعطيها الورقة و اكتبي اسمك بس الاختبار تحضري مع شعبتك الاصلية

و بالتوفيق