طيب رضينا بالمحاضرات المسجله بس فين موادنا؟؟

[ندى العمـودي]

مواد المستوى الثامن حضور بالجامعة يومين بالاسبوع لمدة اسبوعين
يعني 4 محاضرات حتكون وحتبدا 17 محرم,,,
اما باقي المستويات يسمعوا المسجل
المواد الي ناقصة اكيد حينزلوها ولا شوفي كمان ايش حيطلعولك قرار,,
وبعدين مين قال اننا رضينا تكون مسجلة لا مارضينا ولا راح نرضا
كيف اسمع المحاضرات من س من الاستاذات وتختبرني وحدة تانية كيف؟؟؟
معليش ابدا شي مومعقول ولا هوا شي منطقي
احنا نبغا النظام يرجع زي قبل 3 اسابيع سنترا مباشر لامسجل ولاضحك ع الدقون
من حقي ان استاذتي هيا الي تشرحلي مو س من الاستاذات!!!
ولا اروح عند اي استاذة خصوصي تشرحلي موادي ووقت الاختبار اختبر بالجامعة عايدي بس بدون رسوم
مو ياخذو رسوم ويسجلولي المحاضرات وتختبرني استاذة تانية لدي الدرجة انتو عايدي عندكم راضين بهذا الوضع موحاسين انو ظلم لنا؟؟؟؟
طبعا الاغلبية مو مؤيدين للوضع لانو مافي وحدة حتعرف طريقة استاذتها في الشرح او كيف ممكن نمط الاسئلة يكون الا اذا نفس الاستاذة هيا الي شرحتلك المادة