حسبي الله ونعم الوكيل على الشؤون التعليميه وعلى النظام في كليتنا

[dre]

السلام عليكم

ادخل في الهرجه على طول

طبعا دا الترم حظي كان مره حلو ونزلتلي المواد اللي ابغاها وما تعبت لا في حذف
وانا اضافه حمدلله ... ومبسووط لدرجة اني مني مصدق اليين ( قبل شويا ) اني حمدلله
مرتااح دا الترم من ناحية الجدول والساعات .. الخ

دخلت دوبي على موقع الجامعه
لقيتهم مغيرين شعبتي حقة مادة ( البيسك ) اللي كنت منزلها في احلى موعد واحلى دكتور
ورموني رمية ال.... على شعبه جديده في موعد زفت , وبسبب الرميه دي سار عندي
6 محاضرات في يوم واحد كل وحده اكرف من التايه وورا بعض تقريبا وابو ساعات طويله

يا ياهووووووو انا ايش ذنبي؟؟؟؟ ليش انا؟؟؟
انا احق من الطاب اللي سجل الماده بعدي .. المفروض كل الطلاب اللي سجلواللماده دي بعدي هما اللي يترموفي الشعبه الجديده مو انا اللى هوا من اول الطلاب
لييييش كدا احنا ما ادري.. ليش التعقيد والنكد والقرف والهممم مدري

بكره رايح عند الدكتور اللي المفروض انا ادرس عندو اشوف ايش يقولي
مع اني عارف راح يقول فيه ضغط وفتحنا شعبه جديده , طيب انا ايش ذنبي؟؟
وتروح للعميد والوكيل وتتلطع عند الباب وفي النهايه مصيرك تروح الشعبه اللي هما يبغوها
او يقولولك ( هوا ايش فيها يعني )

وغير دا كلو سارو في قسمنا ( المدنيه ) -مدري عن بقية الاقسام- , ينزلو المواد اللي يبغوها ليك,
يعني سار نظام سنوات اكتر ما انو نظام ساعات ... حسبي الله ونعم الوكيل متى اتخرج وانفك من
الهم والقلق دا مدري ....

معليش يا شباب بس والله بأكلمكم وانا مقهوووور
شي مرره ينرفززز , كنت والله مبسوووط اليوم
وجاي نعسان وابغا انااام , طيرولي النوم وربي



الحمدلله على كل حال
و الله لا يسامح اللي كان السبب

[نمر من النمور]

روح للبروف صبري شحاته

لأنه هوا رئيس الفلم الهندي اللي صاير في القسم

وأشرحله الهرجة


هوا متفهم

وإن شاء الله يرجع وضعك زي ماكان


اما من ناحية قسمنا هذا الترم


فهو بيشتغل بعشوائية كبيرة جدا

أكاد لا أصدق أنه نحن في قسم معترف بيه عالميا ودوليا

[صقرر]

الهندسة المدنية عزيزي الترم هذا بدأ في فوضى عارمة استنادا على قرار الابيت abet والذي ينص على انه ليس من حق الطالب انزال مواد التخصص الا بعد ما ياخذ مواد 200 وفوق كلها + المواد العامة 200 وفوق ....

بقية الاقسام نفس الشي بس فيه قسم الطيران والانتاج ما واجهوا صعوبة في المواد والشعب

[نمر من النمور]

لاحول ولا قوة إلا بالله



دري إيش عملت اليوم


خلالالالالالالالالالالالالالالالالاص أنا طفشت والله

كل يوم جدول


هذا دمار والله دمار


دوبي أفتح الجدول حقي

أتفاجأ بــ










صبرنا بما فيه الكفاية


ثاني أسبوع ونحن محنا عارفين كيف نداوم

[خافي الأحزان]

الترم هذا المدنية صاير قسم همجي بشكل فضيع

الله يعنيكم على القسم

[cr7]

لاحول ولا قوة إلا بالله

لاحول ولا قوة إلا بالله

لاحول ولا قوة إلا بالله

لاحول ولا قوة إلا بالله

لاحول ولا قوة إلا بالله

[dre]

امممممما كدا يا نمر
حتى انت لعبولك في الوقت
الله يعييينك .. افتكرت الاحساس اللي جاني لما دخلت وشفت الشعبه الجديده


شكلك انت كنت زيي في شعبة د.الخطيب

[dre]

شكلهم نزلولك ال ie غصبا عنك زي باقي الطلاب
من جد الله يعينك انا نزلتها الترم الماضي وبسببها عدت ماده تانيه
حمدلله اني انفكيت منها

[samo5611]

الله يعينكم تقريبا نفس المشاكل اللي يعاني منها طالب الهندسة كل يوم حذف كل يوم و اضافه ....ولا يهتموا ابدا بمصلحة الطالب احنا ايش ذنبنا نتحمل نتيجة اغلاط بالنظام ولا نقدر نقول غير حسبي الله ونعم الوكيل والله اخوي حتى انا جالس اخذ انجليزي اجباري وانا قيد تخصصت وقرفان من المادة وحالتي حالة المصيبة اني مخلص الانجليزي وماعادلولي هوا ...

[حلمي بروفيسور]

الله يكون في عونكم بصراحة انا تفكيري من البداية اني اخلص المواد العامة بدري بدري والحمدلله خلصت كل المواد العامة بس باقيلي الاحصاء والثقافة 4 وبس
واتمني منكم ان تمشوا على نفس النهج عشان لايرتفع ضغطكم بسبب النظام الجديد

وبالتوفيق للجميع