Ie200

[Ramo3]

لو سمحتوا تعرفوا إذا في نموذج محدد لي Survey ؟؟؟ ولا أي شيء ؟

وكمان تعرفوا اش يعني ؟(Research Proposal Rubric) صفحة 69 قالت الأستاذه انو برسنتشن !!
بس مني عارفه اش هيا الأشياء الي لازم اتكلم عنها في موضوعي وعلى اش أقيم بالزبط ؟
الأستاذه حقتنا مو متعاونه بس تقول الأشياء وتسكت وإذا سألتها تقولي بعدين


رجاءا أي أحد يعرف شيء حتى لو شيء بسيط يقدر يفيدني يكتبوا ..........وشكرااااااا مقدما

[M7mmd.Y]

السيرفاي مو لسه بدري عليه؟ اللي اعرفه انه هو نفسه الـ questionnaire لكنه على النت

زي دا

https://docs.google.com/spreadsheet/...bnBDOEkzMnc6MQ

لو هذا اللي تقصديه حتلاقي في الكتاب face to face صفحة لتقييم السيرفاي, فيها حاجات محددة لازم تكون موجودة

الريسيرش بروبوسال رح تطلعي 5 دقايق تتكلمي عن موضوع بحثك, حتى فيه صفحة في الكتاب تذكر

الحاجات اللي لازم تتكلمي عليها عشان ما تنقصي في التقييم

اللي افتكرو انو بداية: تطلعي تسلمي وتعرفي بنفسك بعدين تذكري عنوان الموضوع, وتذكري اهميته

في المجتمع واهميته بالنسبة لكِ, او بالنسبة لطلاب وطالبات الجامعة, وتقولي اي معلومات تعرفيها لين دحين عن الموضوع

مهم جداً انك تتكلمي من 4 - 5 دقايق, اقل من كدا يقل تقييمك, الا لو المقيمة طيبة عاد

قبل ما تختمي, لاااازم ومهم انك تذكري كيف ناوية تجمعي معلوماتك,

وايش رح تستخدمي الـ questionnaire, ولا personal interview, أو online survey

وتذكري كم عدد الاستبيانات اللي ناوية تستخدميها, ولو الانتر فيو, اذا كان شخصية مهمة تذكري مين... وكدا

وفي الختام حاولي تلخصي الموضوع واهم نقاط فيه

ممكن تطلعي بورقة صغيرة فيها اهم الافكار, لكن لا تمليها كلام لأن ممكن المقيمة تطلبك تشوفها

الكتاب مهم فيه كل الحاجات اللي رح تتقيمي عليها في المادة, اذا حاليا مو عندك يصير اشوف اذا كان لسه عندي الكتاب

وصفحة تقييم البروبوسال اسويلها سكان وارفعها هنا

بالتوفيق اختي

[Ramo3]

مره شكراا
دحين وضحت لي الصوره ، وبالنسبة للكتاب عندي وشكرا للاهتمامك
السيرفاي بدري بس حابه اخلص منو عشان عندنا اختبارات كثيرة بعد الحج .