اعتماد شهادة التعليم عن بعد[ مغلق / موضوع بدون مصدر ]

[Xx-GodFather-xX]

هههههههههههههه

شر البلية ما يضحك
^_^

والله يا ناس صرنا ما ندري من اللي يلعب علينا

الجامعه تقول حنا مكلمين التعليم العالي وما فتحنا الا بعد ما اخذنا الاذن

والتعليم العالي يقول ما ماكلمونا وفتحو التعليم عن بعد بدون اذننا

والخدمه المدنيه تقول اذا اعتمدوها التعليم العالي .. ذيك الساعه نصنف الشهاده ..

وانا صراحه بديت احس ان الموضوع نصب
^_^

لانه الواضح من الحوار اللي دار بين مسؤول الجامعه والاستاذ داوود الشريان في برنامج الثامنه

انهم قاعدين يجربون على روسنا ^_^ ( ظبط .. الحمدلله نخلي الموضوع رسمي .. ما ظبط .. صفحه ونطويها .. ) واللي بيآكلها الضعوف ..

ولما طالبو بتخفيض الرسوم .. قال الفلوس ما تجي لجيوبنا .. هذي للبنيه التحتيه
^_^

أي بنيه تحتيه الله يهديك ^_^ ؟؟

اذا جريدة الرياض ناشره انكم قابلين اكثر من 172 ألف طالب سنة 1434هـ ..( وأنا اتوقع انه موب صحيح لان الرقم خيالي صراحه والمقصد فيه الهياط لا اقل ولا اكثر ) .. بس بنقول انه صحيح وبنآخذ على المعطيات اللي زودتنا بها جريدة الرياض ..
^_^ وقلنا ان من هالـ 172 بنآخذ الربع وبنقول انهم طلاب الانتساب والتعليم عن بعد ..

راح يطلع لنا الناتج : ( 43 ) ألف.. طالب وطالبه .. ؟

واذا كل واحد من هذولا بتاخذون منه 3000 ريال ..

راح تحصلون منهم 129 مليون ريال في الترم الواحد ^_^ .. 258 مليون في السنه ..

ههههههههه هذي تبني لك جامعه جديده يا حبيبي ما تسوي لك بنيه تحتيه *_^

...

لا واللي أمر وأدهى

يقول لازم نحط السعر عالي عشان نعرف هل الطالب جادّ والا لا ..

طيب ياخي احنا جادين .. لكن اللي واضح لنا انه انتم مانتم جادين

^_^

على العموم

عشان اوضح لكم بس ليه قلت ان الدعوى نصب ^_^

وعشان محد يفهم كلامي على كيفه

^_^

التسجيل بالتعليم عن بعد مافيه أي شروط ^_^

ارسل لنا فلوسك ونقبلك يا حبيبي

نسبتك 99 والا 60 نقبلك.. تعال بس ..
قياس ما يحتاج .. مشّي يا باشا *_^
تحصيلي .. هوا فيه اختبار اسمه تحصيلي ؟
خريج عام 1434 .. والا 1300 .. تعال ولا يهمك *_^ راح تنبسط عندنا ..
مفتوح لك كل التخصصات .. أنت آمر بس ..
................

شرط واحد .. مافيه ^_^
كيف بيعترف فيها التعليم العالي ؟؟

اذا قالو للجامعه على اي اساس قبلتي الطلاب ؟

وش راح يكون الرد ؟؟

اللي دفع الرسوم أسرع ؟

^_^