بحث وتدريب مع سامية مقبول

[nonie]

يا ديم اول شي سوري على التاخير المنتدى مدري ساير غريب ما بيجبلي الاحداث كويس .. مدري هو من عندي ولا من عندهم .. تاني شئ انا رحتلها يوم الاحد و المواعيد المكتبية حقتها بتتغير سارت الان السبت من 10-1 و الاحد من 11-1 .. المهم رحتلها الاحد و اخيراً لقيت بنات كتيرين مستين برضه على البحث قلت في نفسي اهو بنات معانا .. وريتها التقرير حقي في البداية قالت تمام و شويتين وقفت وقالت لأ و قعدت تشرحلي الخطوات اللي هو اتكلم عن الموضوع بعد ابدأ افرق .. وورتني كيف المهم انا تعبت من التقرير و كل شوية اظبطه قالتلي بالعبارة (( شوفي يا قلبي لو انك حابا تسلميه كده و احطلك عليه درجات انا ما عندي مشكلة بس تقدري تظبطيه و ترتبيه اكتر و محا ياخد منك اكتر من ساعه و ارجعيلي و احددلك موعد المناقشة و تسليم التقرير و ورقة التدريب لمن تخلصي مناقشتك و تسلميهم للدكتورة كلها مع بعض )) شوفي انا والله شفت كلام كتيير عن الدكتورة سامية بس انا لمن شفتها والله ما شفت منها الا كل خير .. ممكن انه كلامها شديد شوية بس طبيعة الانسان .. ((ديم)) لازم تروحي تراجعي الدكتورة و توريها تقريرك و تقولك رأيها لا تعتمدي على كلام النت من الممكن لو سلمتيها تقولك لا .. راجعيها احسن لك .. لو عندك واتس اب ارسليلي رقمك و انا لمن اروحلها ارسلك ايش اللي ساير معايا لاني ما بدخل النت كل شوية و بالتوفيق ان شاء الله