::فتح تقديم رغبات التسكين ::

[حيــــــاة]

المشاركة الأصلية كتبت بواسطة bahamdain معليش اخوي على اللقافة بس انت من فين عشان لي صديق مو سعودي وبسألني اذا يقدر يدخل الجامعة ولا لأ وايش الشروط اذا تعرف

^^
راح جاوبك بالنيابه عنه : )

مو شرط هو من فين ،، لانه في منح داخلية تقدمها اي جامعه حكومية لتقبل الطلاب الغير سعوديين من اي جنسية ،.
بشـــــرط ،، تكون الموزونه قدرات +تحصيلي + ثنوي = 90٪ وفوق .
التقديم يقدم في شعبان عادي لم يفتح التقديم للجميع .. وفي فترة الفرز في شعبان لم ينقبلوا السعوديين راح يطلع له في ملفه ( انه لم يتم قبوله )
هذا مو معناه انه ما انقبل وخلاص راحت عليه ،، لا ..
لانه القبول للغير سعوديين المعامله تــــــآآخذ وقت ترم كامل ،، ويجي القبول عالترم الثاني على اول اسبوعين تقريباً ،،
على نهايات الترم الاول وبداية الترم الثاني يفضل يراجع ويسأل ويتصل عالجامعه والوزارة عشان يتأكد انه معاملته ماشية ،، الين يجيه القبول بإذن الله ،

هنا في موضوع من 2010 ومازال مستمر عن قبول الغير سعوديين لو تابعنا فيه راح يلقى اجوبة لكل اسألته .
http://www.skaau.com/vb/showthread.p...23262&page=982

.،.
بالاضافة لو كان يمني ،، فالسفارة اليمنية تقدم منح بداية كل ياناير واسماء المرشحين تطلع في مارس والدوام غالباً الترم الثاني من السنة الي بعد .
وبخصوص منح السفاره اعطيه دا الموضوع بيفيده
http://www.skaau.com/vb/showthread.php?t=653962
.،.
اتمنى اني افدتك وافدته

موفق : )