هذه الجراحية تسبب الشلل؟؟ // استفسار عن جراحة الوجه والفكين [عنوان مُعدّل]

[إحساس ناجح]

المشاركة الأصلية كتبت بواسطة fairness السلام عليكم اسال الله الشفاء العاجل للجميع بس حبيت استفسر بخصوص التقويم للاسنان ,, ابغا اركب تقويم لاسناني لانو بارزه بس الحمد لله بشكل مو بشع وهادي الفتره برزت بزياده عشان طلعلي 4 ضروس عقل مره وحده وسارت زحمه في الاسنان الاسنان اللي فوق شوي طلعت والاسنان اللي تحت في سنين دخلو في بعض فحبيت اسال قدر اسوي زي الطريقه اللي قلتها للاخت اني اروح شطر الطالبات ...الخ) هل حتنجح معي ولا لا !؟ اللي يعرف لا يبخل عليا

يوم الأربعاء القادم الساعة 6:30 ص أرسلي بابا أو أي أحد من أخوانك يروح عند الإدارة الطبية شطر الطلاب يعملك موعد للأسبوع اللي بعده لأنو يا أختي مواعيد الأسنان حق كل أسبوع تتوزع كل أربعاء الصباح بدري قبل 7 أرسليهم للإدارة الطبية شطر الطلاب ياخد لك رقم وموعد مع أي دكتور وروحي ساعتها موعدك في الغدارة وهو يقرر لك تقويم أو لا في الحالتين راح يحولك لكلية طب الأسنان ودا الأفضل لأنو التحويل يكون فيه اهتمام اكتر للطالب أو الطالبة

لا تروحي الإدارة اللي عندكم لأنو سمعتها بطالة

[fairness]

المشاركة الأصلية كتبت بواسطة إحساس ناجح يوم الأربعاء القادم الساعة 6:30 ص أرسلي بابا أو أي أحد من أخوانك يروح عند الإدارة الطبية شطر الطلاب يعملك موعد للأسبوع اللي بعده لأنو يا أختي مواعيد الأسنان حق كل أسبوع تتوزع كل أربعاء الصباح بدري قبل 7 أرسليهم للإدارة الطبية شطر الطلاب ياخد لك رقم وموعد مع أي دكتور وروحي ساعتها موعدك في الغدارة وهو يقرر لك تقويم أو لا في الحالتين راح يحولك لكلية طب الأسنان ودا الأفضل لأنو التحويل يكون فيه اهتمام اكتر للطالب أو الطالبة لا تروحي الإدارة اللي عندكم لأنو سمعتها بطالة

شككرا اخوي على الطريقه

بس حبيت استفسر الاداره الطبيه حقت شطر الطلاب اللي عند الطلاب فقط ولا الاداره الطبيه للطلاب والطالبات !

[إحساس ناجح]

المشاركة الأصلية كتبت بواسطة fairness شككرا اخوي على الطريقه بس حبيت استفسر الاداره الطبيه حقت شطر الطلاب اللي عند الطلاب فقط ولا الاداره الطبيه للطلاب والطالبات !

الإدارة الطبية اللي عندنا مشكل طلاب وطالبات وعوايل المنسوبين بأطفالهم فعادي تحضري صباح الأربعاء لوحدك أو معاكي أحد اللي يريحك بس بدري من 6:30 لأنو الناس كلها حتكون هناك تسجل اسمها بورقة خارجية خارج المبنى وينتظروا الموظف يحضر ويعطوه الورقة وبعدها يدخلون وينادي بالأسامي المكتوبة بالترتيب ويعطي لكل شخص كرت الموعد إلين تخلص الكروت بس إنتي راح يساعدك الموظف لأني لاحظت أكثر من مره يعطي البنات مواعيدهم في البداية وأتمنى لك التوفيق