مساعدة بخصوص اختبار رياضيات الدور الثاني

[السلطآآآن حسن]

سلآم عليكم زملائي و زميلاتي الطلاب


أدخل ف الموضوع على طول ...
انا قبل شوي شفت درجتي ف الرياضيات و انفجعت منها لأنها متدنيه جداً غير ماتوقعت
و لأني خرجت من الاختبار متفائل بدرجه ليست بالكامله بل اقل بقليل يعني اقل شي اكون ماخذ 23

انا بالدور الاول كنت مشتت كثيييييير و درجاتي طااايحه ف الفيزيا و الرياضيات
بس مو معقوله الدور الثاني درجتي بالرياضيات تكون متدنيه جداً جداً و أنا أجتهدت كثير وكنت فاهم
نموذجي هو d
اي شخص متأكد من اجاباته صح يعطيني الحل عشان أتأكد بليييييز
و الله ان قلبي محروق بشكل ماتتصوروا و مفكر إذا مادخلت التخصص اللي ابيه أعيد السنة من جديد والله خايف
بليز ساعدوني ...

[رآمـــآ]

و عليكم السلام

الاساتذة يعملوا يوم عشان نراجع فيه اوراقنا ، روح شوف ورقتكك و اعرف اخطائكك

بالتوفيق

[dracula20100]

لعله خير
انت قلي ايش تبغى تخصص عشان لاسمح الله ما دخلت فيه يكون في تخصص بديل (عشان لكل تخصص في تخصص بديل عنه تقعد فيه سنه وتحول للتخصص الي تبغاه ) وقلي كم درجاتك في الاول والثاني

قلي عشان اقدر اساعدك
تقبل مروري

[السلطآآآن حسن]

مشكورين
أنا لي رغبه بأي تخصص صحي بستثناء الطب العام مع اني عارف ماراح ادخله هههههه
ياريت لو حد يعطيني الحلول شكرا لكم

[معاذ عبدالرحمن]

لاتفقد الأمل أخوي
لاتنسى انو في بونص

وترى النهائي راح يكون مرة سهل
لو تبغى تجيب 40 :
ذاكر الوورك شوب كويس
واحضر مراجعة ابو جبل اللي يعلن عنها في تويتر
وقبل كل شي علق املك ورجاءك بالله سبحانه وتعالى

أتمنى لك التوفيق

[حيــــــاة]

حاول تجيب ورق الأسألة اكيد احد من اصحابك صورها ،، وارجع حلها وشوف اخطائك ، لو فيه خطأ في التصحيح راجع ، اما لو هي اخطائك بجد خلاص الدرجات راحت هالمره وبتتعوض بس اهم شيئ تعرف وين المشكلة عندك .
بما انك كنت تحل وانت فاهم وبعد كذا طلعت اخطاء اكيد عندك حلقة مفقودة في نقطة فاهمها خطأ وتكرر الخطا في اكثر من مره ،
عشان كذا مهم تراجع الاسألة وترجع تحلها ،

موفق : )

[dracula20100]

المشاركة الأصلية كتبت بواسطة السلطآآآن حسن مشكورين أنا لي رغبه بأي تخصص صحي بستثناء الطب العام مع اني عارف ماراح ادخله هههههه ياريت لو حد يعطيني الحلول شكرا لكم

يقلك في مثل معلق في اذني من اول ما سمعته من قبل سنه
من بغى الدح ما يقول اح
يعني اذا كنت تبغى التخصصات الطبيه يبغالك معدل قوي عشان تخشه وخلي املك بالله كبير

[السلطآآآن حسن]

مشكورين شكر جزيل
انا ان شاء الله راح اشد حيلي في النهائي و ان شاء الله ما تنزل عن 37 و دعواتكم لي
و أملي بالله كبير و أن شاء الله خير
....
لي نيه أختبر تحصيلي بس ارجع الدمام لأني من سكان الدمام و ربي يوفق و يسهل