جدولي مانزل هل اقدر اختبر أو لا ؟ .. ياريت تفيدوني ضروري

[سـ sara ـارا]

انا طالبة انتساب بدرس "علم نفس" قدمت ع الاعفاء الترم دا وماجاني الا دحين على نهاية الترم وطبعا مانزلي جدول بس نزلت المواد والشعب في الحذف والاضافه
رحت كم مره الجامعه لاستاذه حنين وماكنت موجوده وارسلتلها 5 ايميلات ولسه اليوم اللي ردت عليا بس قالتلي السستم قفل وما اقدر اسويلك شي.
اللي قاهرني انو احتمال يضيع الترم دا عليا و الموضوع بسبب غلطهم هما , وغير كدا لو عديت الترم دا حيكوون باقيلي سنه ع التخرج ما ابا اتأخر وافضل سنه ونص
والاختبارات حيكون بكره اول يوم

سؤالي : بما اني عارفه الماده والشعبه لو رحت بكره واختبرت الماده هل فيه أمل انو درجتي تتسجل ولا لأ ؟

ياريت تفيدوني لأنو ما أبغى الترم يضيع عليا ..


شكراً مقدماً ..

[طموح آنثـى]

جربي مو خسرانه شي دامك ذاكرتي روحي وقولي لدكتورة الماده يمكن تساعدك

[سمر الحربي]

نزلتي مواد في الحذف والاضافه معناها نزلت لك مواد << مو اكيد بس اتوقع !!
لان لو اتقفل الحذف ولاضافه ماكان نزلتي مواد
اسمعي لا انا ولا غيري راح يفيدك بس لو اني مكانك كان ذاكرت ورحت اختبر
ممكن يحسبون لي الدرجه افضل من اني ما اروح واختبر
لو مارحتي ممكن تضيعين على نفسك فرصه ولو رحتي مراح تخسرين شيء
على الاقل بيكون سويتي اللي عليك

الله يسهل لك امورك

[سـ sara ـارا]

انا مانزلت شي هيا نزلت بس ما اقدر اغير ولا اضيف ولا احذف شي

انا حروح اختبر ان شاءالله بس خايفه انو الدرجه ماتتسجل ..
الله يسهل ان شاءالله

[محلل شخصيات]

أنتي مطالبة بالمواد الموجودة بجدولكـ الدراسي فقط .
لذا يفضل الاتصال بشؤون الطالبات والتأكد أولاً .

بالتوفيق ^_^