ايش ذنبي !!!

[Z8rRt]

لسى ما خلصنآ التحضيري حنا , بآقي أخت آحياء بكرة

لكن الله ييسر إن شاء الله

بالنسبه لموضوعك , أنا رح أعطيك رأيي من وجهه نظري الخاصه
بصراحه أنا شخص شديد من ناحية مثلاً أن بنت تروح تشتغل بمستشفى وتختلط مع الناس !
وهذا طبعاً فكره عامه وأعتقد غالبية الشعب السعودي ينظرون بهذه النظرة
لكن لو جينا للواقع , لو مثلاً لا سمح الله أختي أو أمي أو قريبه لي أحتاجت للمستشفى , بأكون أول شخص أبحث عن فتاه ممرضه أو دكتورة !
يعني تناقض عجيب , أنا أنتقده في نفسي وأنتقد الكثيرين مثلي

لكن شوفي , إذا جينا للحق .. البنت اذا اشتغلت بالمستشفى بصراحه مو عيب , طالما أنها محترمه نفسها وعارفه حدودها وحدود دينها .. فما عليها كلام
وحتى أي شاب ، اذا شاف ممرضه بمستشفى وواضح أنها محترمه وما عندها حركآت نص كم , بيحترمها وبيخجل أنه يكلمها من الأساس

عموماً , رأيي لك بالأخير .. أستخيري ربك والله يكتب لك اللي فيه الخير
وأهم شي أقنعي والديك , وماعليك بباقي الناس

وبخصوص سؤالك الأخير , ماعندي علم بصراحه لكن ماتوقع أن احد يقدر يسحب ملفك من غير علمك!

والله يوفق الجميع


+ ما تشوفين شرّ إن شاء الله ، والله يقومك بالسلامه بعد العمليه