تجمّع طآلبآت وطلآب إدآرة الأعمال دفعة 2010 حيآكم ..

[Z3frana]

المشاركة الأصلية كتبت بواسطة adnans أختي الكريمه ما أظن لنا أي حق ننكر جهد أي شخص تعب معانا سواء كان أجتهد أو أخطأ الراجل تعب معانا وشخص فسنه يكون عنده ارتباطات عياله ووظيفته وألتزامات واحتمال كبير مشاكل ممكن صحية ونفسيه فمعليش أنتي كأخت أحترم شخصك ويشهد الله أتمنالك وللجميع كل خير بس كل اللي أتمنيته من الجميع وأولكم أنا نرحم هالدكاتره حتى لو ظلمونا فالدرجات شويه ممكن لهم ظروفهم والدرجات ذي مجرد وسيله وحده من وسائل توفيق ربك لك فمستقبلك في وسائل كثير غيرها أقواها علاقة الواحد بربه ما جيت ألقي خطبة جمعه بس وش سوينا أحنا للدكتور مشان نقول أبسط حقوقنا نعتب عليه دافعين له راتبه مثلا والله العظيم اعرف دكاترة وأساتذة من أصحاب الملايين ما يدرسوا للراتب ولا يحتاجوه اللهم يتمنوا يفيدوا ويعلموا طلاب يعتبروهم مثل أبنائهم ويتمنوا يعطوا كل اللي عندهم للجيل الجديد ونجي فالنهايه ننقص فيهم ما يصير .. ما قلت ذا الكلام أطلع نفسي صح وأطلعك خطا حشا والله أعتبريني أنا الغلطان من ساسي لراسي لكن ما حيصير شي لو نصحنا بعض بأحترام وبكل حال المعذره لو تشوفيني أتجاوزت حدودي فأي ناحيه من كلامي لكي أعتذاري الشديد وكل الاحترام والتقدير أن شاء الله .. بالتوفيق

اخي الكريم لو تلاحظ تعليقي كان من تجربتي الشخصية بس شكلك فهمتني غلط
في الجامعه مرو علينا ناس كثير رائعين درسونا ماشاء الله عليهم بس لما تجي تسأل عنهم تلاقي طلاب يمدحولك مدح وهم فعلاً كانو معجبين بالدكتور واسلوبو ويتمنو يعيدو التجربه معاه وهكذا
بنفس الوقت تلاقي ناس مارتاحو للدكتور وماعجبهم اسلوبو (بغض النظر عن موضوع الدرجات)
فالموضوع ابداً مو شخصي انو انا ضد او مع الدكتور ..
حفهمك ببساطه مثال طريقة الدكتور بالشرح ماحبيتها لانو ماكان معتمد منهج او كتاب والطلاب مستويات باللغه والفهم وشي مره متعب انو يجلس كل طالب يترجم ويزبط منهج لنفسو
وانا اثبتلك هالكلام انو يوم الاختبار طالعت حواليني لقيت الكل ماسك ملخص الأخ عدنان احلفلك انو كان ثلاث ارباع الكلاس ماسكينو بيراجعو منو !! جزاك الله خير ماقصرت بس اعتقد هذي شغلة كان مفروض يتكفل بيها الدكتور عالاقل يوفرلنا الماده!

عموماً خلاص مفروض ننهي الموضوع بس انا ماقليت احترامي ولا تعرضت للدكتور كشخص بس اني ماحبيت اسلوبو او طريقة شرحو هذا شي يخصني يمكن حوله يمكن انا قدراتي اضعف من غيري وهكذا

واي شخص بالدنيا له فانز وانتي فانز فمابالك بدكتور بيدرس ميات الطلبه !
عندك ميمني يارجال ثلاث ارباع الطلبه تحشحش فيه بس مع ذلك احترمو واحب محاضراتو واسلوبو واختباراتو حتى لو كان مايصحح
بس مو معناها إذا سمعت عليه كلمه بروح اهاجم وادافع لا طبعاً انا عارفه انو مافي انسان كامل وكل احد بيشوف الموضوع من زاويه مختلفه

[adnans]

المشاركة الأصلية كتبت بواسطة z3frana اخي الكريم لو تلاحظ تعليقي كان من تجربتي الشخصية بس شكلك فهمتني غلط في الجامعه مرو علينا ناس كثير رائعين درسونا ماشاء الله عليهم بس لما تجي تسأل عنهم تلاقي طلاب يمدحولك مدح وهم فعلاً كانو معجبين بالدكتور واسلوبو ويتمنو يعيدو التجربه معاه وهكذا بنفس الوقت تلاقي ناس مارتاحو للدكتور وماعجبهم اسلوبو (بغض النظر عن موضوع الدرجات) فالموضوع ابداً مو شخصي انو انا ضد او مع الدكتور .. حفهمك ببساطه مثال طريقة الدكتور بالشرح ماحبيتها لانو ماكان معتمد منهج او كتاب والطلاب مستويات باللغه والفهم وشي مره متعب انو يجلس كل طالب يترجم ويزبط منهج لنفسو وانا اثبتلك هالكلام انو يوم الاختبار طالعت حواليني لقيت الكل ماسك ملخص الأخ عدنان احلفلك انو كان ثلاث ارباع الكلاس ماسكينو بيراجعو منو !! جزاك الله خير ماقصرت بس اعتقد هذي شغلة كان مفروض يتكفل بيها الدكتور عالاقل يوفرلنا الماده! عموماً خلاص مفروض ننهي الموضوع بس انا ماقليت احترامي ولا تعرضت للدكتور كشخص بس اني ماحبيت اسلوبو او طريقة شرحو هذا شي يخصني يمكن حوله يمكن انا قدراتي اضعف من غيري وهكذا واي شخص بالدنيا له فانز وانتي فانز فمابالك بدكتور بيدرس ميات الطلبه ! عندك ميمني يارجال ثلاث ارباع الطلبه تحشحش فيه بس مع ذلك احترمو واحب محاضراتو واسلوبو واختباراتو حتى لو كان مايصحح بس مو معناها إذا سمعت عليه كلمه بروح اهاجم وادافع لا طبعاً انا عارفه انو مافي انسان كامل وكل احد بيشوف الموضوع من زاويه مختلفه

كلامك طيب وأنتي كمان طيبه هههههههه ... ما كنت أقصد درجات أختي كنت أقصد أداء فالملعب وحاشاكي من ناحية الاحترام ... الخ أنا لما كنت أنصح والله العظيم كنت أنصح عموم الطلاب ما أقصد موقفك هذي مشكلتي لين أنصح احد أحاول أعمم الموضوع والطرف الثاني يحسب الكلام عليه ونبتلش
طيب من ناحية الأسلوب الدكتور ما كان يمثلنا بــ نعناعة النعانيع وعلي أبو السمح وعيش أبو اللحم وغيرها هههههههه يعني ذي الأفلام كلها ما أرتقت لأسلوبك المحبذ يالطيبه
أحترم وجهة نظرك أكيد لكي كامل الحق فأنك تقولي اللي تبغيه ومني متعصب لرأيي أبدا ممكن أنا ... ما قدرت أكمل وأخطي نفسي وأصححك برضه على قولتهم النفس عزيزه
لا بجد مخي قاعد يفرمت حاليا مجهود الترم الماضي المعذره راح أكون فاصل أسلاك المخ لين يبدئ الصيفي وأرجع طبيعي أن شاء الله ..
من ناحية قدراتك وما قدراتك ترى كلنا من جنب جدتها وأنا أخس واحد من ناحية الكسل وأسرع واحد فالطفش من كلمة مذاكرة بس عندي ميزه أستثنائيه أذا حطيت شي فراسي أسويه وما أهتم كان كبيرأو صغير
بخصوص الميمني كان يقول عالـ صينيين الـ صواني وراجنا بـ حسب الله فــ شطبت عليه أعرف أنه طيب وعسل لكن هالكلجه ضميري ما يقدر يسامحه عليها أبدا ..
مثل ما قلت لكي كامل الاحترام والتقدير بس تعرفي طفشان وطالع من اختبارات ومافي مواضيع فقلت أهايط عليكم شويه وأسوي أخلاق ههههههههههه أمزح .. سلام

[Z3frana]

عادي أخ عدنان المخ ضارب عندنا كللنا بعد السنة الطويله ذي بس طلع في ناس بتاخذ صيفي وطفشانين وجالسين يطقطقو علينا

حصل خير يا أخي والله يسهل علينا وعليك وعالدكتور ونعانيعو وعلى ميمني وعلى الصواني