][ مستجدي الرياضيات و الإحصاء حيـــاكـــم // استفساراتكم هنا ][

[LeLou]

المشاركة الأصلية كتبت بواسطة امانــــــي الغد ,,, بسم الله الرحمن الرحيم السلام عليكم ورحمه اللــه وبركاته في بدايه امري احب اخبركوون عن حااالي شوي ... انا طالبه في فرع السليمانيه وخلصت التحضيري وللـّــــــــــه الحمد و جا تسكيني في كليه العلوم مع اني حابه ادخل محاسبه لأني دايم اتخيل نفسي في هاذي المهنه و نسبتي تدخلّني إما كليه العلوم أو كليه الاقتصاد والادارة لكن حطيت العلوم الرغبه الاولى لأن اهلي مايبغوني فالمحاسبه ومثل ما ذكرت لكم فالبدايه إنو جيت فالعلوم والآن محتااارة وش اتخصص في كليه العلوم ... وطبعاً مافرحت مثل مافرحوا الاخوة والاخوات بتحقيق حلمهم كان الامر عندي عادي اجي وين ماأجي ماعندي مشكله الامر بالنسبه ليّا اني اتخصص واجيب درجات عاليه وبعدها الوظيفه بشرط عدم الاختلاط . ولمّا كنت انتظر نتايج التسكين كنت اقول لأهلي إني بدخل كيمياء لأنها كانت احب مادة عندي فالثانوي لكن فالجامعه ماكانت تعجبني من شرح الاستاذة وكمان انا مليت من الماده بكبرها فشلت فكرة الكيميا من راسي وكنت في ذيك الفترة في حاله لا يعلم بها إلا الله لأني كان عندي خوف إني ماراح امشي تمام في هذا القسم فقلت بحوّل للمحاسبه بس انا كنت عارفه نفسي انو انا ابغى ادخل محاسبه عشان انا حابه يكون شغلي مستقبلاً على مكتب وذي الحركات .وبحكم ضعفي قداام اهلي ما قدرت اقنعهم بالمحاسبه قبل مايقفل التسكين لكن بعد ماطلعت النتايج صار الوالد و واحد من اخواني يقولولي ادخلي إلي تبغيه بشررط انو عند الوظيفه ماتتوظفين في شركه أو مكان فيه اختلاط .والحين لما افكر فالتحويل تجيني قناعه انو خلاص ما أبغى المحاسبه لأنو اساسا تفكيري في دخولها كان للشكل الخارجي وإني ماني قد موادها وإني اتعب عشانها . واخييييييييرَا وليس آخرًا قلت بأدخل احصاء على قناعه ورضى تااام إنو ان شاء الله انجح واستمتع في هاذي القسم وإني مالي غيره والآن لا يسعني إلا أن اقول إن الخيرة فيما اختاره الله وبالتوفيق للجميــــــــــع ،،، فـ إلي حابه اعرف عنه هوا رأيكم يا طالبات قسم الاحصاء عن المواد إلي درستوها و تجربتكم في هذا القسم وصلّى الله وسلّم على سيدنا محمد وعلى آلـــــــــهِ وصحبه اجمعين ,,,

عزيزتي اطلعي على مجلة الكلية في المشاركة الأولى,,
فيها الخطة الدراسية بالإضافة لبعض خبرات الطلاب في مجال التخصص..
و فيها جميع تخصصات العلوم ما عدا الفلك،، و هو غير متاح للطالبات من الأساس..

و ربنا يوفقك يا عسل و استخيري أولاً و أخيرًا..
بالتوفيق||~

[امانــــــي الغد ,,,]

المشاركة الأصلية كتبت بواسطة lelou عزيزتي اطلعي على مجلة الكلية في المشاركة الأولى,, فيها الخطة الدراسية بالإضافة لبعض خبرات الطلاب في مجال التخصص.. و فيها جميع تخصصات العلوم ما عدا الفلك،، و هو غير متاح للطالبات من الأساس.. و ربنا يوفقك يا عسل و استخيري أولاً و أخيرًا.. بالتوفيق||~

بالفعل اطلعت على مجله الكليه ولا يسعني إلا ان اقول جزاكم الله ألف خير ومجهود بصراحه تشكروا عليه بس إلّي مستغربه منه المجالات الوظيفيه لقسم الاحصاء شكلها ماتنوصل لها بالبكالوريوس ولاّ ؟
"مشكورة ياخيتي وماتقصرين "

[LeLou]

المشاركة الأصلية كتبت بواسطة امانــــــي الغد ,,, بالفعل اطلعت على مجله الكليه ولا يسعني إلا ان اقول جزاكم الله ألف خير ومجهود بصراحه تشكروا عليه بس إلّي مستغربه منه المجالات الوظيفيه لقسم الاحصاء شكلها ماتنوصل لها بالبكالوريوس ولاّ ؟ "مشكورة ياخيتي وماتقصرين "

و إياكِ يا أُخيَّــة :)

بالنسبة للمجالات الوظيفية احنا ناخذها من موقع الجامعة،، بس ممكن إذا اتوظفتي في مكان و أثبتي جدارتك بعد مدة تترقي و توصلي للمناصب دي بإذن الله..


بالتوفيق||~