استفسار عن التحويل من تمريض لطب بشري بلييز افيدوني

[انا قدها]

المشاركة الأصلية كتبت بواسطة عذاري السمروات امييين يارب و يسعدك ربي .. الله يسهلك تحويلك للطب و يرزقك مبتغاكي و حلمك اللي روحك ودهاآ توصلو .. طيب اجي على سؤالك .. انا راح اجاوبلك ب الشي اللي انا شخصيًا عايشتو طيلة فترة المستشفى في الترم التاني ( يومين في الاسبوع ) اول شي انا لمن كنت في بداية تانيه سالت البنات اللي اكبر مننا و نزلوا المستشفى كيف معاملة الناس في المستشفى معاكم و كدا.؟ البعض قال و الله معامله مو حلوه احيانا و في بعضهم قالوا انو ما اتلقوا ولا اي مضايقه بس انا لمن نزلت بنفسي صراحه و يشهد علي ربي انو ماشوفت ولا دكتور او دكتوره او اي شخص من الطاقم الطبي عاملني بدونيه و الله انو يحترمونا و كمان شوفت كيف الدكاترة يتكلموا مع النيرسز ب احترام و الدكتور و النيرس منظومة لا يمكن انو احد فيهم يستغني عن التاني ( و النيرسز ( الشطار ) ترى فاهميين اشياء كتيييير و احيان ينبهوا الدكتور على اشياء غابت عنو ) ، و مستحيل في اي مستشفى تلاقي دكتور لحالو بدون النيرس اللي مشرفة على مريضهاآ .. هده تجربتي مجردة من اي مبالغه و الله و خديهاآ قاعدة يعني ربماآ تصادفي مضايقه لاقدر الله .. وقتها اتاكدي انها ماراح تطلع الا من مريضي القلوب ( ممكن تكبر ) و في النهايه احنا بشر .. و لو تدري انو في كمااان نيرسات شايفين بعضهم علينا ..😭 يعني في كل قسم لابد و كانت تحكينا دكتورتنا على اساس واحد دكتور بروف ( الكل يخاف منو و مايسمع كلام احد شايف انو هو الكل في الكل بس هيا ما شاء الله عليها رغم خوفها تقول كلمتو و قالتلو على اللي تبغى تقولو و ماصار اي شي ) و فيه دكاترة كمان بينهم و بين بعض نفس اللي بيصير احيان بينهم و بين النيرسز . المشكله في الاشخاااص نفسهم و في مستوى ثقافتهم و دام الثقه موجودة محد راح يتجرأ على احد .. اتمنى اني اجبتك على سؤالك من تجربتي المتواضعه

ياااقلبي والله و يسعدكك و يسهللك ويحقق لك اللي تتمنيه ياارب

تسلمي عالرد اللي يريح ما قصرتتتي و منجد كلامك كافي و رح احححفظه واستفيد منو اكيد ..
و حمستيني عالتطبييق في المستشفى احسها مرة انترستنق و تعطييك حصيلة من التجاارب

ان شا الله ربي يوفقنا كلنا و رح نبذل جهودنا و نرتقي لأفضل مستوى بإذن الله ...