]:[ وصفَــآت لإِعْـدَآد أطبـآقنــآ الرمضَـآنيَّـــــة ]:[

[white rose]

نشارك مع جميلات سكاو بحلى المالتيزز

هذي صورته :



المقادير :

2 باكيت بسكويت شاي

ملعقة كاكاو بودرة

حليب مركز نستله + علبه وسط مالتيزز

الطريقة :

تطحني البسكوت وتحطي عليه ملعقة الكاكاو والحليب النستله وتعجينهم سوا وبعدين تكورينهم وتحطيهم في الورق تبع الحلى وفوق كل وحدة تحطين حبة مالتيزز وحطيه في الثلاجة

الحلى جدا سهل للناس اللي ما تحب المطبخ

---

القطايف :

هذي صورتها :


المقادير مع الطريقة :

كاسة موية

2 فنجان قهوة سكر

بيضة وكاسة دقيق

ملعقة بكينج باودر

فانيليا و3 ملاعق حليب بودرة وتضعين كل المقادير بالخلاط وتتركينها ساعة تتخمر

العجينة خفيفة شوي وانا ازيد عليها 3 او 4 ملاعق دقيق الين تصير اثقل شوي من خليط الكيك

بعدين اسويها على الصاج .. نحط شوي من الخليط بالمغرفة على الصاج وافرديها بالملعقة شوي ولازم يكون الصاج حامي لا تطول عليه عشان تقسى وقتها وما تتقفل معك ..

واذا تحمرت من تحت اقلبيها ثواني بس عشان تنشف من فوق بعدين نحط القشطة ونقفلها وانا ارش عليها شوية قرفة مطحونة من فوق للزينة وبالعافية عليكم :-)

[المحزوون]

المشاركة الأصلية كتبت بواسطة white rose نشارك مع جميلات سكاو بحلى المالتيزز

يعطيك العافية على الحلى بس ترا اسمه مالتيزرز ههههههههههههههههههههههههه

انا في البداية احسبه خطأ املائي بس يوم نزلت تحت الا المشاركة كلها مالتيـــزز


فضحتنا يالوايت .. المشكلة انك لغة انجليزية

[white rose]

المشاركة الأصلية كتبت بواسطة المحزوون يعطيك العافية على الحلى بس ترا اسمه مالتيزرز ههههههههههههههههههههههههه انا في البداية احسبه خطأ املائي بس يوم نزلت تحت الا المشاركة كلها مالتيـــزز فضحتنا يالوايت .. المشكلة انك لغة انجليزية

الله يعافيك وانا انطقه مالتيزز ومهما احاول اضبط النطق ما يزبط ههههههههههههههههههههههههههههههههههههه خلاص عجزنا

لذلك اكتبه زي ما انطقه مراعاة للامانة وما عليك اكتبه لك مالتيزرز المهم هذي صورته :



وفضحتكم هاه هين لك يوم يا المحزوون

وين معاهدة السلام اللي اتفقنا عليها هههههههههههههههههههههههههههههه أجل خلاص باتفق مع ام حمودي على بعض ناس وجنت على نفسها براقش