الاودس بعد التحويل يقول أني منسحبه عن الدراسة ¬_¬

[Raneeny]

السلام عليكم

أختكم في الله امس حولت من مسار إداري إلى علمي

اول شي قالو لازم أسوي إلغاء رغبة وسوو ليا وأخذوا بطاقة الإداري وطلعت بطاقة العلمي وادوني موعد اختبار تحديد مستوى التاريخ نفس القديم xD
يعني خلاص يحسبولي الأول ؟

المهم دخلت الاودس بشوف خطتي طلع ليا منسحب وغير مستمر بالدراسة
ومن زود الحول حاط ليا الفصل الدراسي الثاني 2011 -.-
وأنا رقمي الجامعي 14 يعني بالعقل مفروض 2014 < مستغربه الرقم الجامعي ترى نفسو حق بطاقة الإداري ؟ عادي ولا لا

دحين عادي يخبص الاودس واستنا لبداية الدراسة واعرف خطتي ولا أروح لهم الجامعة :/ ؟

[nour al3mr]

و عليكم السلام و رحمة الله و بركـآته

أتوقع عادي الله يسعدك لا تخآفي
الأودس يمكن بعدها بيتحدث و تعدل البيانات
و اختبار تحديد المستوى دآمك اختبرتي أول فأكيد بيحسب لك و ما يحتاج تعيديه

عندك في نفس صفحة القبول اللي قدمتي منها في خانة ارسال معاملة
جربي ارسلي لهم استفسارك وشوفي ردهم عليك لتتأكدي
و الله يوفقك و مبـآرك لك التحويل :)

[Raneeny]

الله يبارك فيك

رحت لهم امس في مبنى 29 قالو لي مسألة وقت فرحت مكتب القبول قال مايصير انت مكتوب لك منسحب نهائي يعني لازم تراجعين 29 احنا مالنا شغل
المهم انا كنت بس ابغا ادخل عالدكتوره الي حولتني ودخلت بعد ماخرطت عليهم الي معايا وقالت أنها موظفه لأنهم مارضيو يدخلوننا خخخ والحمدلله لقيت الدكتورة
ودتني لغرفة تعديل البيانات وقالت الغلط منهم ماسوو ليا قبول نهائي وبس سوو قبول ذاتي -.- اخذو البطاقة وفي ثواني سوو كل شي وماطلعت إلا لما تأكدت وشفت خطتي وكل شي على الأودس

المهم أي احد يصير له نفس مشكلتي في التحويل لما يروح لهم خليه يقولهم انه ماسوو له قبول نهائي ولا يضحكون عليكم ويقولون مسألة وقت وتضبط :)

وسلامتكم

[doctorah]

اول شي اللف مبروووك ليكي وعقبالي يارب
لو سمحتي ممكن تقوليلي عند دكتورة مين رحتي بالزبط لانو انا زيك قبلوني اداري وموزوني عالي الحمدلله

[Raneeny]

المشاركة الأصلية كتبت بواسطة doctorah اول شي اللف مبروووك ليكي وعقبالي يارب لو سمحتي ممكن تقوليلي عند دكتورة مين رحتي بالزبط لانو انا زيك قبلوني اداري وموزوني عالي الحمدلله

اعذريني عالتأخير

مدري إذا دحين لسا موجودين بس اسمها ناديه كانت وقتها جالسه في قاعة في مبنى 29 عشان تجاوب عالاستفسارات وكذا وقالت ادخلي وروحي لأستاذة... وقولي لها تحولك