عندي أسئلة عن ماجستير الاقتصاد ( أرجو التفاعل ) ^_^

[اقتصادي لغوي]

سلامو عليكم جميعا :)

سلامو عليكم استاذة مولا

كيف الحال عساكي بخير وكيف الدراسة والاختبارات عساها كلها تمام

أهلا وسهلا بيكي مرة ثانية

حاب أسألك يا استاذة مولا عن مقرر " مشروع البحث "

بصراحة حاب أعرف عنو كل شيء

أيش فكرتو وأيش مكوناتو أيش الهدف منو ؟

وهل يحتاج انو يكون فيه مشرف على الطالب في مقرر المشروع البحثي هادا ؟

وهل فيه لجنة تناقش الطالب في مشروع بحثو عشان تمنحو الدرجة ؟

وكيف الطالب يختار موضوع لمشروع البحث تبعو ؟

وهل لو كنت بنزل 4 مواد في الترم والترم الرابع مادتين ومشروع بحث .. هل مدة ترم واحد كافية للطالب انو يقدم مشروع بحثو ويتخرج ف سنتين ؟

آـسف ع الإطالة وعارف اني كثرت عليكي الأسئلة سامحيني

بس انتي لو تكرمتي قوليلي كل اللي تعرفيه عن مشروع البحث هادا

وربنا يحققلنا جميعا اللي نتمناه :)

تحياتي

[mola]

المشاركة الأصلية كتبت بواسطة اقتصادي لغوي سلامو عليكم جميعا :) سلامو عليكم استاذة مولا وعليكم السلام ورحمة الله وبركاته كيف الحال عساكي بخير وكيف الدراسة والاختبارات عساها كلها تمام الحمد لله عدت على خير أهلا وسهلا بيكي مرة ثانية حاب أسألك يا استاذة مولا عن مقرر " مشروع البحث " بصراحة حاب أعرف عنو كل شيء بالنسبة لي الترم الجاي حأسجلة بس راح اقولك على المعلومات اللي عرفتها من زميلاتي أيش فكرتو وأيش مكوناتو أيش الهدف منو ؟ مشروع تخرج في الغالب بيكون عن تقدير دالة الطلب على سلعة يعني بيتكون من جزء نظري وجزء قياسي نستخدم فيه احد البرامج الإحصائية spss او أي برنامج اخر، والبيانات المطلوبة يا تكون بيانات سلاسل زمنية من المواقع الحكومية في النت، او استبانات على حسب اختيارك للموضوع، بس الاغلب بيفضل اختيار موضوع يعتمد على السلاسل الزمنية لأنه اسهل واسرع في تجميع البيانات. وهل يحتاج انو يكون فيه مشرف على الطالب في مقرر المشروع البحثي هادا ؟، تعتبر مادة كغيرها من المواد يعني مجموعه الطلاب الراغبين في تسجيل المادة واستاذ المادة يعتبر هو المشرف للطلاب جميعهم. وهل فيه لجنة تناقش الطالب في مشروع بحثو عشان تمنحو الدرجة ؟ لا مو لجنه ، موضوع المناقشة بيختلف من ترم الى اخر على حسب الأستاذ اللي بيعطي المادة، يعني في أستاذ كان بيناقشهم كل طالب لوحدة بس الطالب والدكتور، وفيه أستاذ لم يناقش الطالبات نهائيا في مشروعهم (يقولوا انه ما يحب يتكلم مع الطالبات كثير) بس الطلاب ما اعرف ناقشهم او لا. وكيف الطالب يختار موضوع لمشروع البحث تبعو ؟ كل زميلاتي مواضيعهم كانت عن تقدير دالة الطلب على سلعة معينه في بلد معين غالبا بيكون في المملكة، ولابد ان يتضمن البحث على جزء قياسي، ومعظم الطلاب يفضلوا انهم يختاروا موضوع بحثهم في مادة مناهج بحث ويعدلوا عليه اختصارا للوقت والجهد، هذا طبعا بعد موافقه الأستاذ على الموضوع. وهل لو كنت بنزل 4 مواد في الترم والترم الرابع مادتين ومشروع بحث .. هل مدة ترم واحد كافية للطالب انو يقدم مشروع بحثو ويتخرج ف سنتين ؟ ايوة كافيه ان شاء الله، لأن مشروع البحث يعتبر مادة كغيرها من المواد، يعني اذا الشخص سجلها وهوه ناوي يخلصها في ترم راح يخلصها بإذن الله. آـسف ع الإطالة وعارف اني كثرت عليكي الأسئلة سامحيني لا عادي والله اسأل قد ما تبغى بس انتي لو تكرمتي قوليلي كل اللي تعرفيه عن مشروع البحث هادا وربنا يحققلنا جميعا اللي نتمناه :) تحياتي

....