احتساب المعدل النسبي الموزون

[Yasmina95]

يعني اول شيء مو اسمها المعدل الخاص اسمها "النسبة الخاصة"
تاني شيء النسبة الخاصة تأخذيها من: الأحياء ، الكيمياء ، الفيزياء ، الانجليزي بجميع مستوياته ماعدا الاول
انني سألتي "هل يشوفوا المعدل الخاص ده؟" أجاوبك و أقولك يشوفوا النسبة الخاصة دي عشان تدخلي في المفاضلة فقط
ولمن تتسكني ياخدوا النسبة العامة ، النسبة العامة هي زي الخاصة لكن تأخذي جميييييع مواد التحضيري مو بس الأربعة مواد زي الخاصة!
يعني حتاخدي جميع مواد خطة أ وٓ ب والإنجليزي بجميع مستوياته ماعدا الاول
ياخدوا هدي النسبة العامة ويعبو اعلى 200 نسبة عامة على 200 مقعد

و سؤالك الثاني "لو جبت العيد في مادة والباقين كلهم سليم ، والمعدل زي ما أنتا كاتبوا كويس ، يعني تمام ولا لا؟"

لو جبتي العيد في مادة الحاسب مثلا ، و جميع المواد الباقية سليمة مارح يؤثر بالنسبة الخاصة اللي هيا فيزياء وكيمياء وإحياء وإنجليزي
لانو لاحظي الحاسب مو داخل بحساب النسبة الخاصة

لكن حيتأثر النسبة العامة لان النسبة العامة داخلة فيها جميييييع المواد بما فيها الحاسب
مما حيتؤثر بقبولك بالطب ..!!

اتمنى تكوني فهمتي ..!!