كل اللي في بالي !!!

[moodyd88]

الله يحيك اخوي .... وان شاء الله كوممشاركاتك معانا فالمنتدى .

بالنسبة لسؤالك الاول / انا نزلي المعدل الاساسي و هوا نفس التجريبي .
اما السؤال الثاني / الجداول ما تتعدل بس يمديك تروح تحول شعبتك لشعبة ثانية بس ماراح تتغير فالجدول.

يعني تروح لاي شعبة تبغاها تكلم الدكتور اللي يدرس فيها و تقله انك تبغا عنده يقلك جبلي ورقة من دكتورك تروح تكلم دكتورك يقلك اككتب ورقة و هوا يوقعاها و يقلك اخر الترم تجبله كشف بغيابك من الدكتور الثاني ( لازم من كشف الغياب هذا لانك لو ما اعطيته لدكتورك اخر السنة راح يعطيك dn ) وبس تروح تحضر عند الدكتور الثاني كانك طالب.

اما بالنسبة لمذاكرة المواد /

الاحصاء : حاول لو قدرت تحول لشعبة الدكتور سعيد الغامدي لانه هوا منسق المادة يعني هوا اللي يسوي الاسئلة و ترا في ظلم يصير لان الطلاب اللي فشعبته يعرفوا اشياء فالاختبار ما يعرفوها الطلاب الباقيين .

انا عن نفسي كنت آخذ خصوصي عند الدكتور جمال السعدي كان شرحه جدا رائع و يوصل المعلومة بشكل جدا جميل و قبل الاختبار باسبوع ينزل تست بانك و توقعات يجي منها اغلب الاختبار الا كم سؤال
ما ادري من فين يجيبها سعيد الغامدي
بس انت شد حيلك و ذاكر زي الناس و حل اسئلة كثير قد ما تقدر


الاحياء : المذاكرة من السلايدات وما حيفرق معاك الدكور كلهم ما يفهمون اهم شي تحفظ و الاختبارات مرة سهلة اسئلة مباشرة يعني على قد ما تذاكر تجيب درجات اما لو كنت مو مذاكر صح انسا انك تعرف تقرا الاسئلة حتى
انا عن نفسي كنت آخذ خصوصي عند الدكتور جمال الشعراوي كان يعطينا ملخصات رهيبة 3 او 4 ورقات و اسئلة ما يخرج منها الاختبار ابدا انصحكم صراحة تحضروا عنده لان السلايدات مرة كثير


الكيمياء : بصراحة المنهج واحد بس كل دكتور يدرسه باسلوبه انا كان يدرسني فالجامعة الدكتور حسن البار بصراحة مع احترامي الشديد كان ما يفهم و نصيحة اللي حيكونوا فشعبته لا احد يشتري كتبه ترا والله انا اشتريتها و لا عرفت اذاكر منها شي مكتوبة بالعربي و ملخبطه فاربع كتب يعني مرة ما منها فايدة
انصحكم تحولوا لشعبة الدكتور ياسر العنقري من اول الترم هذا الدكتور شديد الاحترام مع الطلاب و شرحه جدا رائع و يعيد و يزيد ويراجع كثير فانصحكم فيه

انا كنت آخذ خصوصي عند السيد ابراهيم كانت مذكراته جدا رائعة وكافيه ووافيه و مليانة اسمثلة واسئلة يعني باذن الله ما تحتاج غيرها و قبل الاختبار باسبوع ينزل تست بانك 11 اختبار سابق مستحيل تدخل الاختبار و تلقا فكرة خارجة من التست بانك
وعلى فكرة اللي يشوف نفسه فاهم فالكيمياء ما يحتاج يحضر عنده بس الملخصات تكفي و التست بانك اهم شي


ارجوا اني اكون افدك و باذن الله المواد حتكون سهلة و نجيب كلنا معدلات اعلى من الترم الاول

بالتوفيق للجميع...........