مادة ادارة الجوده فالاجهزه الحكوميه pad421

[زويز المالكي]

السلام عليكم

-





كيفكم يابنات ..
ذآ آلترم صرآحه حسيت إني ضآيعه
بقيت لي موآد محدده ولا أقدر اختآر وإلآ أأجلهآ لزوم نتخرج آلترم آلجآي -بإذن آلله-

أضفت 5 موآد أسآسيه واضفت هآلمآده زي مآ أنتو شآيفين لان باقي لي وحده اختياريه و2 حره
رحت الجامعه وكل ماجات تضيف لي ماده حره او اختياريه يطلع فيها تعارض وماعندي غير مادة
ادارة خدمات صحيه ومادة ادارة الجوده فالاجهزه الحكوميه -طبعا- انا كنت ضايفه ادارة الجوده من قبل مااروح لها
ولما جات تضيف لي ادارة خدمات قالت لي متعارضه مع ادارة الجوده واعطتني ورقه فيها المواد الاختياريه ومالقيت فيها
ادارة الجوده ولا لقيتها في المواد الحره :) قالت لي انو هالماده مو مسجله للانتساب -طيب لو مو مسجله كيف انضافت لي
وكيف فيه شعبه للانتساب- المهم من كثر الزحمه وانا توترت واستعجلتني قلت تضيف خدمات صحيه وانا مااعرف عن هالماده شي
رجعت البيت ادور شي عنها فيه كثير مدحوا وكثير ذموا بس لما اطلعت على مقرر الماده لقيتها ماتناسبني ابد ولا ارتحت لها وفيها مصطلحات
انجليزيه كثير -وانا عندي قراءات اداريه انجليزيه اساسا- فماحقدر عليها رجعت اضفت ادارة الجوده -طولت عليكم ادري- بس ابغى اعرف
هل الماده موجوده هالترم والا لا لاني اخاف اخذها وماتنحسب لي لا حره ولا اختياريه !!!!!!!!!!!
اللي عندها معلومه اكيده تفيييييييدني _:"(

[زويز المالكي]

- سبحان الله والحمدلله ولا اله الا الله -
- سبحان الله والحمدلله ولا اله الا الله -
- سبحان الله والحمدلله ولا اله الا الله -

[انونه]

حتى أنا ضايفتهاااا وابغى اعرف


Up

Up

Up

[Abrar88]

الا اختي موجودة هدا الترم ضمن المواد الاختيارية
جدول المواد الاختيارية كان عليه تعديل وطبعا التعديل دا ماوزعوا على كل الموظفات عشان كدا كان في لخبطة ... التعديل كان مادة الاتصال في المنظمات العامة مهي متاحة وحطوا بدالها ادارة العلاقات العامة ،،، ومادة ادارة المشروعات العامة ايضا مهي متاحة وحطوا بدالها ادارة الجودة في الاجهزة الحكومية
فاطمني المادة اختيارية وانا اضفتها لدا الترم ان شاءالله

[زويز المالكي]

الله يعطيك العافيه طمنتيني ..
وكمان بنات اللي بتروح الجامعه الاحد او الاربعاء
تتاكد لنا كمان -عشان نكون مرتاحين اكثر-

[لمار عزوز]

أنا كمان يازيزوووو قالت لي الأستاذه نفس كلام أبرار
وأضفتها لوحده من البنات , بس أبغى أعرف أي شي عن الماده بالنسبه للبنات
لأنو مالقيت أي شي يخصها

[زويز المالكي]

والله ولا انا مالقيت عن هالماده شي بالنسبه للبنات اللي قد اخذوهاا
بس لقيت موضوع للشباب يعني كإطلاع عالماده وطريقة اسئلتها
http://www.skaau.com/vb/showthread.php?t=688412