احصاء 110 الترم الثاني

[renad-h]

السلام عليكم هدا الموضوع للي عندو سوال فالاحصاء يعني نفيد بعض ونساعد بعض

سوالي كيف نحسب الفركونسي ؟؟

[رورو احمد]

ما اعرف لسا ما ذاكرته

[منو1996]

الفركونسي عدد التكرارات في بياناتك زي مثال فصائل الدم بعد ماقسمهم لكلاسسز شاف كل فصيله كم اتكررت هذا الفركونسي

[رفّات حُلم]

الفريكونسي هو عدد التكرارات:
أول شي حددي البيانات وصفية أو كمية
ازا كانت وصفية حتكون كاتوريقكال " أظن كدا اسمها "
حتشوفي كل شي من البيانات وتحطيها في الجدول تحت class
بعدين فيه " تيلي " حتمسكي البيانات وتشوفيها صف صف أو عمود براحتك
كل ما شفتي شي من البيانات تروحي قدامه وتحطي شرطة والخامسة تقفلي بها.
" زي فصائل الدم " وبعدها عدي التيلي, وتقدري تجيبي النسبة المئوية

أما اذا كان كمية فاحسبي الرينج أول شي
لو كان أكبر من 11 حيكون قروب
وازا كان اصغر من 11 أو يساوي 11 أن قروبد
الرينج أول شي : أعلى قيمة - أقل قيمة.
ازا كان قروب :
دحين جبتي الرينج تروحي تجيبي الـ width عن طريق تقسمي الناتج حق الرينج على عدد الكلاسات " عدد الكلاسات من السؤال "
وتخلي العدد صحيح أهم شي، يعني حتى لو 3.1 = خلاص يصير 4 مو زي تقريب الرياضيات
بعدين حتبدأي في الكلاس تحطي أصغر قيمة عندك، وتشوفي الكلاس التاني تزودي عليه الودث
يعني لو كان : 20 أصغر قيمة وكان الودث 5
20 - ....
25 -....
تنتبهي انه انتي حتمسكي اللور اول وتزودي قيمة الودث
بعدين تروحي تجيبي الابر للكلاس الواحد عن طريق انك تطرحي 1 من اللور للكلاس اللي بعده
يعني ههنا في المثال حيصير:
20 - 24
25 - 29
وهكذا.
بعدين تجيبي الباوندري عن طريق تطرحي 0.5 من اللور وتزودي 0.5 من الابر.
لو جاكِ العدد مو صحيح أصلًا حتزودي كدا : مثلًا 24.3 + 0.05 يعني تزودي مو 0.5
ونفس الشي شوفي التيلي والفريكونسي نفس الوصفي .
طيب ممكن يجيكِ بالصيغة اللي هيا less than
هذي باختصار تشوفي أقل قيمة عندك حتحطي less than أقل قيمة عندك في الباوندري.
بعدين يصير less than الابر اللي في الباوندري
نجي نعبيها أول قيمة تكون صفر، بعدين حق العدد اللي بعده حتشوفي الفريكونسي اللي قدامه تحطيه
نجي للي بعده حتجمعي الفريكونسي حق دا مع اللي قبله وكدا للنهاية.

بقيت جُزئية الـان قروب
ازا عندك استفسار ع دي الجزئية أول شي،
وليا رجعة ان شاء الله اكمل الباقي